2.Betero 2:13 - Te B'aib'ara

¹³ ao a na kamarakaki b'a booni mwin te kamaraki are a a tia ni karaoia nakoia tem'angina. Bon te b'ai ni kakukurei nakoia karaoan te b'ai ae buakaka ae a na kukurei iai rab'ataia i nanon te ngaina; a buakaka aroia ma n aki tau ngkai a raoningkami n ami baka n am'arake, ao a maiu nanoia n aroia ni m'am'anaa te aba.

2.Betero 2:13 Iomraidhean Croise

Ana Anene Toromon 4:7

Raou ae e tangiraki, ko rangi ni kantangiraki n arom ni kabane.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Iakobo 5:5

Kam a tia ni maiu ni kaub'ai ma n iri kukurein rab'atami n te maiu aei. Kam a tia ni kamarikaingkami i bukin te bongi ni kamamate.

1.Betero 4:4

A mimi ngkai kam aki raoniia n aroia ni kabatia te maiu-buaka n aron are a kakaraoia; ao a taetaebuakaingkami.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.