2.Betero 2:12 - Te B'aib'ara

¹² Ma te koraki aei, aika kanga maan aika aki wanawana, aika bungiaki b'a a na tauaki ni kamateaki, a taetaebuakai baika a aki atai. A na boni kamateaki n ai aroia maan aika aki wanawana;

2.Betero 2:12 Iomraidhean Croise

Taian Areru 49:10

Ti kakoaua b'a a mate naba aomata aika wanawana; Ai aroia naba aomata aika nanobaba mani bangab'ai b'a a mate ao a tiku aia b'ai i mwiia nakoia aia bakatibu.

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Taian Areru 94:8

Kam na iango, ngkami akana kam aki wanawana i buakoia aomata; Ao ngkami akana kam baba, Kam na wanawana n ningai?

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Ieremia 10:21

Ma I kaangai nako ia, “Bon taian nanobaba ara taani kairiiri i bukina b'a a rawa n ongo i roun te UEA. Ai ngaia ae ti a maae nako kaanga tiibu.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 12:3

Ma ko ataia te UEA, b'a e kaanga ngkoa aron au kakaonimaki, e ngae naba ngkana bon inanou. Ma ngaia are, Ko na katikitikiia nako au kairiribai ma n tiringnga kaanga te tiibu!

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 5:4

Ao i mwiina, I taku i bon i nanou, “A karaoa te m'akuri ni baba aomata aikai, ao a aki konaa n ataa te b'ai ae E tangiria Atuaia b'a a na karaoia.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

I-Karatia 6:8

B'a ane ira nanon rab'atana ao e na anaa mwina ae te mate man te rab'ata; ao ane ira nanon te Tamnei are Raoiroi, ao e na anaa mwina ae te maiu are aki toki mairoun te Tamnei are Raoiroi.

I-Korote 2:22

A kaeti taekani baikai nakoni baika na riki n akea bonganaia ngkana a a tia ni kamanenaki; bon tuua ma reirei aika karaoi aomata.

2.Betero 1:4

ake E anganira iai taeka n akoi ake a kakawaki ma ni moa ni kakannato, b'a kam aonga ni biri nako man te kaib'ab'aru ae kamamate ae i aon te aba, ao kam riki b'a taani buokanib'ai n te aro n Atua.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.