2.Betero 2:1 - Te B'aib'ara

¹ Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

2.Betero 2:1 Iomraidhean Croise

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 37:19

Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

Otea 9:8

Iteraera, e kanakoai te UEA b'a N na tararuaiko. Ma ko kam'aneia ana burabeti nako ao ko kaona ana tembora n te riribai.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 10:33

Ma ane kakeaai i mataia aomata, ao Ngai I a manga kakeaa naba i matan Tamau are i karawa.

Mataio 24:11

Ao ane a na teirake burabeti ni kewe aika bati, ao ane a na burebureia aomata aika bati.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 24:5

B'a a m'aiti aomata akana a na roko n arau, ao a na kangai, Bon te Kristo ngai; ao ane a na burebureia aomata aika bati.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Mareko 13:22

Ane a na kaoti kristo ni kewe ao burabeti ni kewe, ao a na kaoti kanikina ma b'aai ni kamimii, b'a a na burebureia ake a rineaki, ngkana a kona.

Ruka 12:9

ma ane kakeaai i mataia aomata, ao e na kakeaaki i mataia ana anera te Atua.

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

Ruka 6:26

A na reke kaimi, ngkana a bane aomata ni kamoamoaingkami, b'a a karaoa naba aron aei aia bakatibu nakoia burabeti ni kewe.

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

1.I-Korinto 11:19

B'a a bon riai n iai taiani bwenaua n ami botaki, b'a a aonga ni kinaki iai te koraki aika bon taan onimaki ni koaua i buakomi.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

1.I-Korinto 7:23

Kam kaboaki ao e a tia ni b'aka boomi; kam na tai riki b'a aia toro aomata.

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Karatia 4:17

A tauaninne aomata akanne iroumi, ma tiaki n te aro ae e raoiroi; ma a kani kaokoroingkami,

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

1.Timoteo 5:8

Ma ngkana e aki karekei baika riai te aomata i bukiia ana koraki, ao ai moa ra riki i bukin oin ana utu, ao kaotana b'a e a kaaki taekan te onimaki, ao e a buakaka riki nakon are tiaki te tia onimaki.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

Tito 3:10

Ao i bukin te aomata ae karika te i raraaure n iango irouia aomata, ko na aki manga tabe ma ngaia ngkana ko a tia ni kauoua reireiana;

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

1.Ioane 2:26

I koroi baikai nako imi i bukiia akana kataia ni m'am'anaingkami.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 3:8

I atai aroarom. Noria, I kaaki i matam te mataroa ae uki, ae e aki kona temanna ni bonotia. E karako korakoram, ma ko taua au taeka, ao ko aki kakeaa arau.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”