2.Betero 1:8 - Te B'aib'ara

⁸ B'a ngkana a reke iroumi baikai, ni bati, ao kam na riki ni bongana ma n uaana n ataakin ara Uea are Iesu Kristo.

2.Betero 1:8 Iomraidhean Croise

Taeka n Rabakau 19:15

Kam na mate ni baki ngkana kam taningaroti ma ni kabanea ami tai n nimatutuu.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 20:3

Ao e a manga nako naba teuarei n te aoa ruaiwa, ao e noriia aomata tabem'aang b'a a teitei n aoriia n te tabo ni m'akete;

Mataio 20:6

E a manga nako naba ngke e a kani bo te aoa nimaua, ao e a manga noriia aomata tabem'aang b'a a teitei; ao e titirakiniia ni kangai, “Kam aera ngkai kam aoringkami n teitei ma ngke e ingabong ni karokoa ngkai?”

Mataio 25:26

Ma e kaeka ana toka ao e taku nako ina, “Te toro ae ko buakaka, ae ko taningaroti! Ko ataai b'a I boboti uaa n taabo ake I aki ununiki iai, ao I ikoikoti ike I aki kamrarai iai koraa.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 5:42

Ma I ataingkami b'a akea tangiran te Atua i nanomi.

I-Rom 12:11

A na aki b'ara nanomi man te baere kam uaiakinna; kamatoai angin nanomi; tooro iroun te UEA.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

2.I-Korinto 8:2

b'a e boni ngae ngke a kataaki n te rawawata ae bati, ao a aki kaub'ai, ma i bukin nanoia ae onrake n te kim'areirei, ao a anga ae bati ma te tituaraoi.

2.I-Korinto 8:7

A rianako aromi ni b'aai ni kabane: n te onimaki, n te taetae, n te atatai, n te nano ae korakora ni kan i buobuoki, ao n ami tangira i bukira; ao taraia b'a e na rianako naba aromi n te m'akuri n akoi aei.

2.I-Korinto 9:14

ao ngaiia a tataro i bukimi ao a noringkami, i bukin ana akoi te Atua ae rangi ni bati i aomi.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

I-Biribi 2:5

Kam na b'aina te nano aei, ae mena naba i nanoni Kristo Iesu:

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.I-Tetaronike 3:12

ao te Uea E na kabatia ni karakaa ami i-tangitangiri ma tangiraia aomata ni kabaneia i roumi, n ai aron arora nako imi;

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

1.Timoteo 5:13

I rarikin anne, ao a reireiia naba te aro ni kabane tai n aroia ni kawara te auti teuana ma teuana; ao a aki tii kabane tai n aroia anne, ma a bon riki naba b'a taan ua-taeka, ao taani katabetabea te aba, n aroia n tataekini baika aki riai n taekin.

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Biremon 1:6

Bon au tataro b'a arom n iraorao ma aomata i bukin am onimaki e na karika i rouia ataakin raoi baika raraoi ni kabane aika iai i roura, aika a kairira nakoni Kristo.

Ebera 6:12

b'a kam na aki taningaroti, ma kam na kakairi irouia ake a tia ni karekea kanoan te taeka n akoi i bukin aia onimaki ma aia taotaonaki n nano.

2.Betero 1:2

E na kabatiaki nakoimi te akoi ma te raoi n ataakin te Atua ma Iesu are ara Uea.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.