2.Betero 1:3 - Te B'aib'ara

³ E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

2.Betero 1:3 Iomraidhean Croise

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taeka n Rabakau 12:4

Bon te atiibu ae e tamaroa nakon buuna te ainenum'a ae e i buobuoki ma te ainenum'a ae e kamamaaea buuna e na bon kamkaa riin buuna.

Taeka n Rabakau 31:10

Reken te ainenum'a ae e rangi n raoiroi iroun te m'aane bon reken te kaub'ai ae moan te tamaroa!

Taeka n Rabakau 31:29

“A m'aiti aine aika a raoiroi ma bon te kabanea n raoiroi ngkoe mai buakoia!”

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

I-Rom 9:24

B'a I-Iutaia ngaira ke tiaki, ma boni ngaira te koraki ake a weteaki;

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 4:4

Ti teuana te rab'ata, ao ti temanna te Tamnei are Raoiroi, n ai aron naba weteami b'a kam weteaki nakon te kaantaninga ae ti teuana.

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

I-Korote 1:16

B'a a karikaki b'aai ni kabane mai Rouna, ake i karawa ma ake i aon te aba ake a noraki ma ake aki noraki, ma baika iai m'akaia ma aroia n tautaeka; a bane ni karikaki mai Rouna, ao i bukina.

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

2.I-Tetaronike 2:14

E weteingkami nakon aei te Atua n te euangkerio are ti taekinna, b'a kam aonga ni buokanib'ai ma ara Uea are Iesu Kristo n neboakina.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

1.Betero 1:15

ma kam na itiaki n aroaromi ni maeka ni kabane i matan te Atua, ni kakairi iroun Teuare itiaki are weteingkami.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

2.Betero 1:2

E na kabatiaki nakoimi te akoi ma te raoi n ataakin te Atua ma Iesu are ara Uea.

2.Betero 1:5

Ma ngaia ae kam na kataa ami kabanea ni kona n raona ami onimaki n te raoiroi, n raona ami raoiroi n te atatai;

2.Betero 1:6

n raona ami atatai n te taotaonaki n nano mani baika e tangiri te rab'ata; n raona ami taotaonaki n nano mani baika e tangiri te rab'ata n te nanom'aka; n raona ami nanom'aka ni maiumi ni Kristian;

2.Betero 1:8

B'a ngkana a reke iroumi baikai, ni bati, ao kam na riki ni bongana ma n uaana n ataakin ara Uea are Iesu Kristo.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Ruuta 3:11

Ko na tai raraoma Ruuta, N na karaoi b'aai ni kabane akana ko tuangai, b'a a bane kaain te kaawa n ataiko b'a te aine ngkoe ae e raoiroi aroarom.