2.Betero 1:17 - Te B'aib'ara

¹⁷ B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

2.Betero 1:17 Iomraidhean Croise

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Mataio 12:18

“Nora au tia m'akuri ae I rineia, ae tangiraki i Rou, ae I kakatonga i Rouna. N na kaki Tamneiu i aona, ao E na tuangiia botannaomata te kaeti-taeka ae raoiroi.

Mataio 17:3

Ao noria, a kaoti i mataia Moote ma Eria, ao a taetae ma Iesu.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mareko 1:11

ao e roko te b'anaa mai karawa, ae kangai, “Boni Ngkoe Natiu ae Ko tangiraki i Rou, I kakatonga i Roum.”

Mareko 9:7

Ao e kaoti te nang, ao e b'aka nuuna i aoia. E roko te b'anaa man te nang ae kangai, “Natiu Teuaei, ae tangiraki i Rou; kam na ongo i Rouna!”

Ruka 10:22

I anganaki b'aai ni kabane iroun Tamau; ao akea ae ata te Nati b'a ti te Tama; ao akea ae ata te Tama ma ti te Nati, ao ane E kani kaotia te Nati nako ina.

Ruka 3:22

ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ioane 10:15

n ai aron te Tama ngkae E ataai, ao Ngai I ataa te Tama; ao I anga nanou b'a N na mate i bukiia tiibu.

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 14:11

Kam na kakoauaai b'a Ngai i nanon Tamau, ao Tamau i nanou; ma ngkana kam aki, ao kam na kakoauaai i bukin au m'akuri nako.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 17:21

b'a a na bane n riki n teuana; n ai arora, ngkai Ko mena i nanou, Tamau, ao Ngai i nanom: b'a a na mena naba i nanora, b'a e aonga ni kakoaua te aba b'a Ko kanakomaiai.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

Ioane 5:20

B'a E tangira te Nati te Tama, ao E kaoti ana m'akuri ni kabane nakoina, ao ane E na kaoti riki nakoina m'akuri aika ab'ab'aki riki b'a kam aonga ni mimi.

Ioane 5:26

B'a aron te Tama ngkai Ngaia oin te maiu, ao ai aron naba te Nati: b'a E a tia te Tama ni karaoia b'a oin te maiu,

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 6:39

Aio nanon Teuare kanakomaiai: E tangirai b'a N na aki kabua temanna i buakoia ake E a tia n anganai, ma N na manga kamaiuia ni kabaneia n te kabanea ni bong.

I-Rom 15:6

b'a e aonga n ae kam neboa te Atua are Taman ara UEA are Iesu Kristo n te nano ae ti teuana ao n te b'anaa ae ti teuana.

2.I-Korinto 1:3

E na karaoiroaki te Atua, ae Taman ara UEA are Iesu Kristo, ao Taman te nanoanga ni kabane, ao Atuan aaro ni karaunano ni kabane,

2.I-Korinto 11:31

E ataai b'a I aki kewe te Atua ae Taman ara UEA are Iesu, are ana b'ai te neboaki n aki toki.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

2.Ioane 1:3

E na mena i roura te akoi, ma te nanoanga, ma te raoi, mairoun te Atua ae te Tama ao mairoun Iesu Kristo are Natin te Tama; a na mena baikai i roura ngaira aika ti ata te koaua aika ti i tangitangiri.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo: