2.Betero 1:15 - Te B'aib'ara

¹⁵ Ao N na kataa au kabanea ni kona ni karekea te anga are kam na kona iai n ururing baikai n taai nako i mwini mateu.

2.Betero 1:15 Iomraidhean Croise

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Ruka 12:58

Ngkana ko nako ma te aomata are bukiniko nakon te tia moti, ao ko na kataa ae ko kona ni karekea te raoi i marenam ma ngaia i aon te kawai, b'a e kawa ni katikiko nakon te tia moti, ao te tia moti e na anga ngkoe nakon te bureitiman, ao te bureitiman e na kaakiko i nanon te karabuuti.

Ruka 9:31

ake a kaoti ni mimitong; ao a taekina matena, are E na kakoroa bukina i Ierutarem.

2.I-Tetaronike 2:5

Kam aki uringnga b'a ngke I mena i roumi ao I tuangngkami baikai?

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

2.Betero 1:12

Ma ngaia ae iai nanou b'a N na kauringngkami n taai nako ni baikai, e boni ngae ngkana kam a kaman atai ao kam nene ni matoa n te koaua ane e a tia n reke iroumi.