2.Betero 1:14 - Te B'aib'ara

¹⁴ ngkai I ataia b'a e a kaan te tai are N na kitana iai te maiu aei, n ai aron are kaotaki nako iu iroun ara Uea are Iesu Kristo.

2.Betero 1:14 Iomraidhean Croise

Itaia 38:12

E anaaki mairou maiu kaanga te autinrianna ae e kab'araaki ma ni uotaki nako iroun te tia kaawakintiibu. Ko koreai kaanga karain te kunnikai man te b'aini karao kunnikai mai roun te tia raranga kunnikai; ko urubekeai n te bong ao te ngaina.

Ioane 13:36

E taku Timon Betero nakon Iesu, “Te Uea, Ko na nakea?” E kaeka Iesu ao E taku, “Ko aki kona n irai ngkai nakon te tabo are N na nako iai; ma ko na irai rimwi.”

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

Te Tua-Kaua 31:14

Ao E taku te UEA nakon Moote, Ko na waekoa ni mate. Ma ngaia are, kairaamai Iotua nakon te Um'antabunrianna, b'a N na rineia b'a te tia kairiiri i aoia Iteraera. Ao a nako n rin Moote ma Iotua n te Um'antabunrianna,

2.Timoteo 4:6

Ao ngai, e a roko te tai ae N nang kamateaki iai ao N nangi riki b'a kanga ai aron te karea are te ninima are kab'aroaki i aon te baonikarea; aio au tai are N nang kitana iai te maiu aei.

Iotua 23:14

Ao ngkai e a bon roko au tai ni mate. Ao kam bon bane n ataia i nanomi ao n tamneimi b'a E a tia te UEA ae Atuami n anganingkami ni kabane baika E berita b'a E na anganingkami aika a raraoi. A bane n tia ni koro bukin Ana berita, ao bon akea teuana ae aki kakoroa bukina.

2.Betero 1:13

I taku b'a e bon riai, ngkai I teimatoa ni maiu, b'a N na kakaraoa ae kam na ururing iai baikai;