2.Betero 1:12 - Te B'aib'ara

¹² Ma ngaia ae iai nanou b'a N na kauringngkami n taai nako ni baikai, e boni ngae ngkana kam a kaman atai ao kam nene ni matoa n te koaua ane e a tia n reke iroumi.

2.Betero 1:12 Iomraidhean Croise

M'akuri 16:5

Ma ngaia are, a kakorakoraki ekaretia nakon te onimaki, ao a kabatiaki kaaia n te bong ae koraki.

I-Biribi 3:1

Te kabane ngkanne, tariu, kam na kim'areirei ngkai kam katiteuanaki ma te UEA. Tiaki te bae kakua i rou te kaoki taekani baike I a tia ni koroi, ma e bongana i bukimi.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

1.Timoteo 4:6

Ngkana ko anga taeka n reirei aikai nakoia taari, ao ko riki iai b'a a na tia m'akuri ae e raoiroi Kristo Iesu, ae ko nabeaki n taekan te onimaki ma taekan reirei aika raraoi, aika ko tou mwiia.

2.Timoteo 1:6

Ma ngaia ae I tuangko b'a ko na kakorakoraa maiun ana b'ai n tituaraoi te Atua ane i nanom, are e reke i roum ngke I katokaa baiu i aom ni katabuko nakon nakoam.

Ebera 10:32

Ma kam na ururing boong ake rimoa, ngke e moa n reke te oota i roumi, ao kam kekeiaki m'aka n taon nanomi nakon taiani maraki ake kam taonaki iai.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

2.Betero 1:13

I taku b'a e bon riai, ngkai I teimatoa ni maiu, b'a N na kakaraoa ae kam na ururing iai baikai;

2.Betero 1:15

Ao N na kataa au kabanea ni kona ni karekea te anga are kam na kona iai n ururing baikai n taai nako i mwini mateu.

2.Betero 3:1

Ngkami aika kam tangiraki, aio ngkai au kauoua n reta ae I koroia nakoimi; ao i nanon reeta aika uoua aikai ao I a tia ni kataia ni kaungaingkami n te aro ni kauring b'a a na eti ami iango:

2.Betero 3:17

Ma ngaia aei, ngkami aika kam tangiraki, ngkai kam a kaman atai baikai, ngkai a tuai n roko, ao kam na tarataraingkami b'a kam kaawa ni b'aka man teimatoami n anaakin nanomi n aia bure akana buakaka.

1.Ioane 2:21

N na aki koroboki nako imi ngke kam aki ata te koaua; ma I koroboki b'a kioina ngkai kam ata te koaua, ao ngkai bon akea te kewe n te koaua.

2.Ioane 1:2

ti tangiringkami i bukin te koaua ae mena i nanora, ao e memena i nanora n aki toki.

Iuta 1:17

Ngkami aika kam tangiraki, kam na uring taeka ake a atongaki rimoa irouia ana taan tuatua ara Uea are Iesu Kristo.

Iuta 1:3

Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.

Iuta 1:5

B'a e boni ngae ngke kam atai taekani baikai ni kabane, n te tai ae ti teuana, ma I kani kauringkami, b'a te Uea E kamaiuia te botannaomata ae Iteraera man te aba are Aikubita, ao rimwi E kamateia ake a aki onimaki.