2.Betero 1:10 - Te B'aib'ara

¹⁰ Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

2.Betero 1:10 Iomraidhean Croise

Taian Areru 112:6

Akea kab'akan te aomata ae ongeaba nakon ana tua te Atua; E na ururingaki n taai nako.

Taian Areru 121:3

E na aki angani waem b'a e na reke n te kabuanib'ai; E aki mamatu te tia kawakiniko.

Taian Areru 15:5

A karaoi aia katangom'ane n akea aia bakao ia, man aki karaoi aia babakanikawai iai ni karawawataia aika aki ataib'ai. Uake a karaoi baikai ni kabane ana bon tei n nene.

Taian Areru 37:24

Ngkana e tata nako, ao e na aki b'aka. B'a E na taua baina te UEA.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:6

Ti Ngaia katanau ao buokau, Ngaia ae kamanoai, N na aki kona n taenikai.

Itaia 56:2

N na kakab'aia aomata nako akana a karinea te Taabati ma n rawa ni karaoa te kaairua.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.

Mataio 22:14

B'a a m'aiti aika kaoaki, ma E rineia ti akana butim'aea te kakao.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Ebera 6:19

Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

Iakobo 2:10

B'a ane toua mwin te Tua ni kabanea ma e reke burena n teuana, ao e a bukinaki naba iai b'a e aki ira nanon te Tua ni kabane.

Iotua 7:3

nakon Iotua ae kaangai, “E aki tangira te taanga ni buaka ni kabane, b'a bon te kaawa ae uarereke te kaawa arei. Tao ti uoua, ke tenua te ngaa te tautia ae a riai ni buakanna.”

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

2.Betero 1:5

Ma ngaia ae kam na kataa ami kabanea ni kona n raona ami onimaki n te raoiroi, n raona ami raoiroi n te atatai;

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

2.Betero 3:17

Ma ngaia aei, ngkami aika kam tangiraki, ngkai kam a kaman atai baikai, ngkai a tuai n roko, ao kam na tarataraingkami b'a kam kaawa ni b'aka man teimatoami n anaakin nanomi n aia bure akana buakaka.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.