1.Uea 7:8 - Te B'aib'ara

⁸ E mena m'akoron te bareti are e maeka iai Toromon i akuun te ru are e buubura are Motikitaeka, ao ti te arona ma ngaia. E karaoaki naba ana tabo buuna are natin uean Aikubita te aine ae bon ti te bo ma ngaia.

1.Uea 7:8 Iomraidhean Croise

1.Uea 3:1

Ao e tiainaa te beeb'a ni boraraoi Toromon i marenana ma uean Aikubita, ao e mare ma natina te aine. Ao e maeka neierei ni m'akoron Ierutarem nikawai, ni karokoa tian raoi ana bareti, te Tembora, ao oon Ierutarem ni katobibia.

1.Uea 7:9

E karaoaki te kateitei ma ruuna nako aika a buubura ni moa man aana ni karokoa taubukina, man atiibu aika a rangi n tamaroa, aika a karauaki ni koreaki nakon buburaia ae e tangiraki, ao a karauaki ni kamaranaki n taian tao.

1.Uea 9:16

E kaman taua te kaawa are Ketera uean Aikubita; e kabuokia n kamaunanakoa ao e tiringiia kaain Kanaan ake a maeka ikekei. Ao i mwiina e b'aintangiraia nakon natina te aine ngke e mare ma Toromon.

1.Uea 9:24

Ao e m'ae buun Toromon are natin uean Aikubita mani m'akoron Ierutarem nikawai nakon ana bareti ae e boou. Ao i mwiina, e a manga kamatoa riki te aba are i mainikun Ierutarem Toromon.

2.Uea 20:4

I m'aain rokon Itaia i nuukan te bareti,

2.Rongorongo 8:11

Ao buun Toromon are natin uean Aikubita e kitana m'akoron Ierutarem are e atongaki b'a ana Kaawa Tawita nakon ana bareti ae e boou are e a tib'a tia ni karaoia Toromon. A aki riai ni maeka buun Toromon n ana Kaawa Tawita i bukina ngke e tabu b'a e mena iai te Atiniberita.