1.Uea 5:9 - Te B'aib'ara

⁹ A na uoti kaai mai Reb'anon nako taari are te Mereterenian au taani m'akuri. Ao a na booti ni kabaei, ao a na kokooki i mataniwiin taari nakon te tabo are ko tangiria. Ao i mwiina, a na manga kab'arai taiani kai, ao a konaa ngkanne au taani m'akuri n anai mai ikanne. I bukin ngkanne boon taiani kai, ko na ti katauraoi taiani uita aika I kainanoi i bukiia kaain au auti.

1.Uea 5:9 Iomraidhean Croise

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

1.Uea 5:10

Ao Iram e anga taian tiira ma taiani m'aiango nakon Toromon n aron are e kainanoia.

1.Uea 5:8

Ao e kaoka rikaaki ana taeka ae e kaangai: E a tia n reke am rongorongo irou ao N na anganiko ni kabane kaai aika tiira ao kaai aika m'aiango.

1.Uea 9:27

Ao e m'ananga te uea are Iram ma tabeman ana kaimoa aika a bane aroia

2.Rongorongo 1:15

I nanon ana tai ni uea Toromon i aon Iteraera, ao moan te bati taiani koora ao taian tirewa ni kabutaa aon Ierutarem, ao a m'aiti taiani kai aika tiira kaanga taian kai tukomorea i oin taian tabuki.

2.Rongorongo 2:16

N na tuangiia b'a a nang waakina korean taiani kai i Reb'anon. A na koroi n aron m'aitin ane ko tangiria, ao a na booti ni kabaei b'a taian ebaeba, ao a na kabeti ri mataniwi nako Ioba. Ao a konaa n anai am taani m'akuri mai ikekei nako Ierutarem.

2.Rongorongo 9:22

Bon te kabanea ni kaub'ai ma ni wanawana Toromon n te aonnaba.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Iobi 32:8

Ma e mena tamnein te Atua ae m'aaka i nanon te aomata ae E ikeike, ao E angan te aomata te rabakau.

Te Minita 1:16

I taku nako iu “Bon ngkoe te kabanea ni wanawana nakoia aika a tia ni maeka i aon Ierutarem. E korakora nanom ni kan atai b'aai nako, ao ko a tia ni karekea am atatai ae e rangi ni m'aiti.”

Etekiera 27:17

E anganiko Iuta ma Iteraera aia kabanea n raoiroi n uita, ao kabanean raoiroin aia biiku, ana karewe te manibeeru, b'aan te oriwa, ao kaboiararaan te am'arake b'a boon am b'ai ni kaboob'ai.

M'akuri 12:20

E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.

Te Tua-Kaua 3:25

E rangi n tamaroa te aba are i maeaon te Ioretan. Taiaoka, kariaia b'a N na ri nanon te Ioretan ma n noori taian tabuki ma Maungan Reb'anon.