1.Uea 5:3 - Te B'aib'ara

³ Ko uringa nanon tamau are Tawita are e rangi n tangira katean te Tembora, ike E na mamaeka iai te UEA ae Atuana, are E na konaa n taromauriaki iai? Ma e aki toki ni buakanaki tamau irouia ana kairiribai, ai ngaia are e aki roko n te reke ana tai.

1.Uea 5:3 Iomraidhean Croise

1.Uea 8:19

Ma bon tiaki ngkoe ae ko na karaoia. Natim te m'aane ae e na karaoa te Tembora i bukin neboau.”

1.Rongorongo 22:8

Ma tabeua te tai n nako, ao E taku te UEA nako iu, “Tawita, ko a tia n tiringiia aomata aika a rangi n rawata, ao ko a tia ni buaka n taiani buaka aika a m'aiti. Ao bon anne bukina ae ko na aki katea iai au Tembora.

1.Rongorongo 28:2

Ngke a bane aomata ikekei, ao e teirake Tawita ao e taku: Ongora irou, au aomata. I tangiria ni karaoa te tabo ike e na kaawakinaki iai te Atiniberita, b'a ti aonga ni konaa n nako n taromauria te UEA ae Atuara iai. I a tia ni katauraoi b'aai ni kabane i bukin karaoan te Tembora,

1.Rongorongo 28:3

ma e a tia te UEA n aki kukurei b'a n na karaoa te Tembora, i bukina b'a E taku b'a I a tia n tiringiia aomata aika a m'aiti n te buaka.

2.Rongorongo 9:4

te am'arake i aon te taibora, ana mataniwi nako, ana toro ni kabane aika a kaboraoi, ao te karea are e anga i nanon ana Tembora te UEA.

Neemia 5:17

I aki toki ni kakaam'arakeia tebubua nimangaun aika bon oin au aomata aika I-Iutaia ma aia taani kairiiri, n reitaki ma ianena ake a roko man aaba ake i rarikira.

Neemia 5:18

E katauraoaki temanna te kao, onoman taian tiibu aika a rangi n tamaroa, ao taiani moa aika a rangi ni m'aiti n teuana te bong. Ao e rooroko te wain ae moan te korakora ni katoa tebwina te bong, I ataia b'a bon te uota ae e rawaawata aei nakoia aomata, ma ngaia are, I aki tangira bakaon te am'arake n aroia koowana.

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 8:6

Ko rineia b'a a na tautaekan am B'ai ni kabane aika Ko a tia ni karaoi. Ko katokaia i aon am Karikib'ai nako:

Maraki 4:3

Ma ngkami aika kam buakaka, ngkana I karokoa te motikitaeka ae eti, ao kam na manatua kaanga taian mannang i aan te wae. Bon aei au taeka Ngai ae te UEA ae Moan te M'aaka!

1.I-Korinto 15:25

B'a E riai n uea Kristo ni karokoa te tai are E kabaneia iai ni kakiia ana kairiribai i aani waena.

I-Ebeto 1:22

Ao E kaaki b'aai ni kabane i aani waeni Kristo, ao E anga Kristo nakon te ekaretia b'a atuuni b'aai ni kabane;

Iotua 10:24

ao a uotaki nakon Iotua. Ao e weteia aomatan Iteraera ni kabane Iotua ao e tuangiia ana mataniwi ake a iria n te tai arei b'a a na katokai waeia i aon roroaia uea aikekei. Ao a karaoa anne mataniwi.