1.Uea 3:3 - Te B'aib'ara

³ E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

1.Uea 3:3 Iomraidhean Croise

1.Uea 11:34

Bon natin Tawita, teuare Toromon, ao bon au tia kairiiri Tawita ae e rineaki, are e karaoi b'aai ake i baairei. Ma ngaia are N kauea Toromon ni karokoa matena.

1.Uea 11:38

N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

1.Uea 11:6

E taromauria te UEA taman Toromon ma nanona ni kabane, ma e aki ongotaeka Toromon ao e karaoi baika E aki kukurei te UEA iai.

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

1.Uea 14:8

I bon anaa naba abanuean Tawita mai irouia ana utu ao I anganiko. Ma ko bon aki katotonga Au tia m'akuri are Tawita. E rangi n ongotaeka n taai nako irou, ao e kakaraoa ae e eti.

1.Uea 15:11

Ao e ongeaba Ata iroun te UEA n aron are e karaoia Tawita.

1.Uea 15:14

Ao e kakaonimaki Ata nakon te UEA ni kabane bongin maiuna, e ngae ngke e aki kamaunai baangotan te aba.

1.Uea 15:3

E aki rangi ni kakaonimaki Abiiam nakon te UEA ae Atuana n aron ae a tia ni karaoia ana bakatibu are Tawita, ma e bon aki toki ni bubure n aron tamana are Roboam.

1.Uea 22:43

Ao e ongo taeka Iotiab'ata iroun te UEA, n aron are e karaoia naba tamana are Ata, ao e aki roko n te buaka ma Iteraera i nanon ana tai ni uea. Ao e kanakoia taian aine ni mataawa ni kabane man bangotan aon te aba, ma e aki urua te bangota, ao a bon tiku b'a taabo n angakarea. Ao a tauaki mwiin b'aai ni kabane ake e karaoi Iotiab'ata i nanon ana tai ni uea i nanon te boki are Rongorongoia Uean Iuta, n reitaki ma ninikoriana ao tokanikaina n taian buaka.

1.Uea 3:14

Ngkana ko ongotaeka Irou ma ni iriiri nanon au Kaetieti n aron are e karaoia tamam are Tawita, ao N na boni kaananaua maium.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Uea 8:25

Te UEA ae Atuan Iteraera, Ko berita nakon tamau i aon Iteraera b'a e na uea n taai nako temanna man ana kariki tamau i aon Iteraera ngkana a teimatoa n ongotaeka nakoim n aron are e karaoia tamau.

1.Uea 8:61

Ongotaeka iroun te UEA ae Atuara ao iri nanon ana Tua ma nanomi ni kabane, n aron ae kam karaoia n te bong aei.

1.Uea 9:4

Ko ongotaeka irou n aron are e karaoia tamam are Tawita, ao ko na b'aina te nano ae e koaua, ao e raoiroi. Ongotaeka nakon Au tua ma Au reirei,

2.Uea 12:3

Ma e aki kamaunai taiani baangota, ao a bon teimatoa naba ni kabonganaaki b'a taabo n angakarea.

2.Uea 12:4

E taku Ioati nakon te ibonga n te bong teuana, “Botiia m'aane ni kabane ake a angaanga aomata nakon ana Tembora te UEA, ake m'aane i bukin te roo n rab'ata ao b'aintangira,

2.Uea 14:3

E katotoonga tamana are Ioati teuare Amatia b'a e ongotaeka iroun te UEA ni kaakaraoa ae e raoiroi. Ma tiaki aron kakaonimakin ana bakatibu are Tawita.

2.Uea 14:4

E aki urui baangotan Iteraera Amatia, ao a boni kamanenaaki naba b'a taabo n angakarea.

2.Uea 15:35

Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Uea 15:4

Ma e aki roko n te urui taiani baangota. A bon tiku naba b'a taabo n angakarea.

2.Uea 18:22

E mwiokoa ngkai te UEA ae Atuami Etekia? E bon tuai kab'akai taiani baonikarea ni kabane, ao ni katuka are ana Baonikarea te UEA. E bon aki naba tuangiia aomatan Iteraera ma Iuta b'a a na taromauri n te tabo ane ti teuana anne.”

2.Uea 18:4

E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Rongorongo 15:17

E kakaonimaki Ata nakon te UEA ni kabane bongini maiuna, e ngae ngke e aki uruaki baangotan te aba i Iteraera.

Taian Areru 145:20

E kawakinia te UEA akana tangiria ni kabane, ma E na kamaunaia ni kabane akana buakaka.

Taian Areru 31:23

Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

Nakoaia Ibonga 17:5

Nanon te karea aei b'a kaain Iteraera ngkai a nangi toki man tiringakin aia karea n taabo ake i tinanikun mataroan te Um'antabunrianna. A nang uoti nakon te ibonga i mataroan te Um'antabunrianna, ao a na tiring b'a te naan karea n raoi.

Mataio 22:37

E taku Iesu nako ina, “Ko na tangira te Uea ae Atuam n nanom ni kabanea, ao ni maium ni kabanea, ao ni wanawanam ni kabanea.”

Ioane 14:15

“Ngkana kam tangirai, ao kam na tou mwin au tua.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 8:3

ma ngkana e tangira te Atua te aomata, ao e bon ataaki i Rouna.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 10:13

ao n ongotaeka nakon ana Tua ma ana Reirei ake I a tia n anganingkami n te bong aei, ao a na nakoraoi b'aai ni kabane i bukimi.

Te Tua-Kaua 11:13

E mwiokoingkami te UEA ae Atuami b'a kam na tangiria ma ni m'akuri i bukina ma nanomi ao tamneimi ni kabane. Ngkana kam ongotaeka nakoina,

Te Tua-Kaua 30:16

I tuangingkami b'a kam na kakaonimaki nakon te UEA, ni maiuna te maiu are E a tia n tuangingkami, ao n ongotaeka nakon ana Tua ma ana Reirei.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Tamuera 9:12

Ao e taku neierei, “Eng, e memena ikai. Bon are n te kaawa n te bong aei b'a e na karaoaki te angakarea ma te botaki n am'arake n te tabo n taromauri. Ao bon are i m'aaimi, ma kawaekoaingkami,