1.Uea 3:11 - Te B'aib'ara

¹¹ Ko aki naba buubutii i bukin kamaunakiia am kairiribai, ma ko buubutii i bukin te wanawana n ataa arom ni babaaire.

1.Uea 3:11 Iomraidhean Croise

1.Uea 3:10

Ao E taku te Atua: Toromon. I rangi ni kukurei ngkai ko buubutii i bukin anne. Ko aki buubutii i bukin kaananauani maium, ke karikakim b'a te kaub'ai.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

2.Rongorongo 1:11

Ao E kaeka te Atua: Toromon, I taku b'a ko na bubutiai b'a n na karikiko b'a te kaub'ai ae e kakannato, ke n na kanaanaua maium. Ke ko na butiai b'a n na kamaunaiia am kairiribai, ma ko aki b'a ko butiai b'a n na anganiko te wanawana ma te rabakau n tautaekaniia au aomata.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taeka n Rabakau 16:31

Bon te baunuea ae mimitong te ira ae e iaia ao e kabonganaaki irouia aika a tia ni maiuakina te raoiroi.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.