1.Uea 21:2 - Te B'aib'ara

² Ao n te bong teuana ao e a taku Aaba nakon Naabota, “Naabota. E rangi ni kaan am onaroka ni kureebe ma au bareti. I butiko b'a ko na anganai b'a N na karaoia b'a au onarokau i bukin kainam'arake aika a uarereke. N na manga anganiko te onaroka riki ae e raoiroi riki nakon anne, ke N na anganiko boona are ko bon tangiria b'a am b'ai.”

1.Uea 21:2 Iomraidhean Croise

Karikani B'aai 16:6

Ao e taku Aberam, “E rangi n tamaroa, bon am toro, ao e mena i aan am babaire; karaoa ane ko bon taku nako ina.” Ao e karaoa ae aki tau Nei Tarai nakon Nei Aka ni karokoa e a biri nako Nei Aka.

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

1.Uea 21:3

Ao e taku Naabota, “I bon aki konaa n anganiko b'a aia onaroka au bakatibu.”

1.Uea 21:6

Ao e taku Aaba, “I bubutiia Naabota b'a e na kabooa ana onaroka ni kureebe nako iu ke N na anganna ae e tamaroa riki. Ao e tuangai b'a e aki kona n anganai.”

2.Uea 9:27

E noori b'aai aika a riki aikai te uea are Aatia, ao e kataia ni birinako nakon te kaawa are Betaakan, ma e reke iroun Ieu ngke e kakioa ao e takaarua ni kaangai, “Tiringnga naba.” Ao a katebea Aatia ana tautia Ieu ngke e biri n te kawai are e nako Kura i rarikin Biream. Ao e waaki nako ni karokoa Mekito ike e a mate iai.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Te Minita 2:5

Iai au onaroka ni uee aika a m'aiti, ao onaroka ni uanikai aika a m'aiti aika a onrake ni kaai aika a uaa.

Ana Anene Toromon 4:15

Bon te koburake n ran ngkoe i nanon te nnenaroka, te koburake n ran ae e buubura ae e itiaki, ao te raanga n ran ae e kamarurung man Maungan Reb'anon.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Te Tua-Kaua 11:10

Bon te aba ae e raoiroi riki nakon are kam maeka iai i Aikubita, ike kam m'akuri korakora iai, e ngae ngkana kam ti teboki aroka.

Te Tua-Kaua 5:21

Kam na tai mataiakina aia b'ai tabem'aang. Kam na aki tataana buun temanna, ke nimataaiakina aia auti, abaia, aia toro, aia kao, aia aati, ke aia b'ai riki tabeua.

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

1.Tamuera 29:6

Ao e wetea Tawita Akiti ao e taku nakoina, “I tuea n aran te Atua ae E maiu ae Atuaia Iteraera b'a ko a tia ni kakaonimaki nako iu; ao N na bon rangi ni kukurei ngkana ko irai n te buaka aei. I tuai man noora te kaairua teuana mairoum man te tai are ko roko iai irou. Ma a aki kariaia uea ake tekorakina.

1.Tamuera 8:14

Ane na anai ami katawanang akana a rangi n tamaroa, n reitaki naba ma nnen arokami kureebe, ao taian oriwa ma n anganiia ana aobitia.

1.Tamuera 8:6

Ao e b'ara nanon Tamuera ngke e ongo aia taeka taani kairiiri b'a a tangira te uea, ma ngaia are, e tataro i bukin arei.