1.Uea 2:4 - Te B'aib'ara

⁴ Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

1.Uea 2:4 Iomraidhean Croise

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

2.Tamuera 7:25

Ao ngkai te UEA ae te Atua, taiaoka ni karaoa te b'ai are Ko a tia ni berita iai nako iu ma au kariki nako.

1.Uea 1:48

ao e tataro ni kaangai, “I neboiko Atuan Iteraera. Ko a tia ni karika natiu ae Toromon b'a te uea ao ko kateimatoa maiu b'a N na kauia.”

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

1.Uea 3:14

Ngkana ko ongotaeka Irou ma ni iriiri nanon au Kaetieti n aron are e karaoia tamam are Tawita, ao N na boni kaananaua maium.

1.Uea 3:3

E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

1.Uea 6:12

Ngkana ko iri nanon au Babaaire, ma ni karaoi baika I tuangko, ao N na kawakina au Berita are I a tia ni karaoia ma tamam are Tawita.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Uea 8:25

Te UEA ae Atuan Iteraera, Ko berita nakon tamau i aon Iteraera b'a e na uea n taai nako temanna man ana kariki tamau i aon Iteraera ngkana a teimatoa n ongotaeka nakoim n aron are e karaoia tamau.

1.Uea 9:5

ao N na kaawakina Au berita ma Tawita are e na uea n taai nako i aon Iteraera temanna man ami kariki.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

2.Uea 23:25

Bon akea te uea mai m'aaina ao i mwiina ae e kabanea korakorana n irii nanon ana tua Moote.

2.Uea 23:3

Ao ngke e a bane a na wareware Iotia, ao e tei i rarikin te boua teaina. Ao e tuangiia aomata b'a a na berita n aran te UEA b'a a na kakaonimaki nakon te UEA ma ni irii nanon ana kaetieti. Ao a kariaia aomata b'a a na karaoi b'aai ni kabane ake a koreaki i nanon te boki.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 17:3

Ngke e moan uea taman Ieotiab'ata i aon Iuta, ao e bon kakaonimaki nakon te UEA ma n rawa n taromauria te anti are Baara n aron are a karaoia ngkoa uean Iteraera.

2.Rongorongo 6:16

Ko berita ngkoa b'a e na riki ni uea n taai nako temanna mai buakoia ana utu i aon Iteraera, ngkana a karaoa aia kabanea n tamaroa nakoim, n aron are e a tia ni karaoia.

2.Rongorongo 7:18

ao n na kaawakina au berita ae e matoa nako ina b'a e na uea n taai nako temanna man am utu i aon Iteraera.

Taian Areru 119:9

E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Taian Areru 37:22

A na abana te aba akana kakab'aiaki iroun te UEA; ma a na kakioaki nako akana a reke kaiia i rouna.

Taian Areru 37:9

A na abana te aba akana onimakina te UEA; ma a na kakioaki nako akana buakaka.

Taian Areru 39:1

I kaangai, N na taraa raoi kawaiu ao N na taua neweu man te bure; N na katokai baiu n rabun wiiu ngkae a mena i rariku taani bure.

Ieremia 33:17

E na nako uean Iteraera man ana kariki Tawita,

Nakoaia Ibonga 26:3

Kakaonimaki ongotaeka nakon au tua nako,

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Mataio 22:37

E taku Iesu nako ina, “Ko na tangira te Uea ae Atuam n nanom ni kabanea, ao ni maium ni kabanea, ao ni wanawanam ni kabanea.”

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 11:13

E mwiokoingkami te UEA ae Atuami b'a kam na tangiria ma ni m'akuri i bukina ma nanomi ao tamneimi ni kabane. Ngkana kam ongotaeka nakoina,

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

Te Tua-Kaua 7:12

Ngkana kam ongotaeka raoi nakon taian tua aikai, ao E na kakaonimaki te UEA ni kaawakin Ana boraraoi are karaoia ngkoa ma ngkami, n aron are E berita iai nakoia ami bakatibu.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,