1.Uea 2:3 - Te B'aib'ara

³ Karaoi b'aai ni kabane akana E tuangko te UEA, ao tou mwiin Ana reirei. Ongotaeka ni b'aai ni kabane akana a koreaki n Ana tua Moote. Ane ko na tetekeraoi e aoria ngkana tao tera ae ko karaoia, ke tao ko nakon te tabo teuana.

1.Uea 2:3 Iomraidhean Croise

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

1.Uea 3:3

E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 29:19

Angan Toromon te nano ni kan ongotaeka nakon am tua ma am reirei ma nanona ni koaua, ao tangiran kan karaoan te Tembora ake I a tia ni katauraoi b'aintangira aikai i bukina.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:138

A koaua ao a onimakinaki am tua ake Ko anga.

Taian Areru 119:2

A kab'aia akana kawakin ana taeka, akana ukoukoria n nanoia ni kabane;

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Nakoaia Ibonga 8:35

Ko na tiku i nanon mataroan ana Um'antabunrianna te UEA ni bong ao ni ngaina i nanon itiua te bong, ni karaoi b'aai ake E tuangko te UEA b'a ko na karaoi. Ma ngkana ko aki, ao ko na mate. Bon anne ana mwioko te UEA nako iu.”

Maraki 4:4

Kam na aki m'aninga taian tua ma taeka n reirei ake I angan Au tia m'akuri are Moote i aon te Maunga are Tinai.

Te Tua-Kaua 29:8

Ao ti taua abaia ao ti tib'aia i aoia baronga ake Reuben, Kaata, ao Manate mainiku.

Te Tua-Kaua 29:9

Kaain Iteraera, E a tia te UEA ni karaoa te boraraoi ma ngkami, ao ngkana kam kaawakina tib'angami, ao kam na tetekeraoi ni b'aai ni kabane akana kam karaoi.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

Iotua 22:5

Kam na riai ni kaawakin ana tua Moote ake e anganingkami are kaangai, Tangira te UEA ae Atuam, karaoa nanona, ongotaeka nakon ana mwioko, kakaonimaki nakoina, ao m'akuri i rouna ma nanom ao tamneim ni kabane.”

Iotua 23:6

Ma ngaia ae kam na taratara raoi, ao kam na ongotaeka ao kam na karaoi b'aai ni kabane ake a koreaki n ana boki n tua Moote. Kam na aki kaaki teuana mai i buakon tuua,

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:30

Ao a aki toki n roroko kaain Biritia ni buakana Iteraera, ma e totokanikai Tawita ngkana e buakaniia. Ao e riki b'a te aomata ae kakannato i bukina ngke a m'aiti riki ana totokanikai n te buaka i aoia kaain Biritia nakon Tauro ma ana aobitia.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.