1.Uea 2:2 - Te B'aib'ara

² Natiu i aoni kawaiu ni mate n aroia aomata nako ma I tangiriko b'a ko na korakora ma n ninikoria.

1.Uea 2:2 Iomraidhean Croise

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

2.Tamuera 12:23

Ma ngkai, e a mate, ao tera nanon ae N nang aki am'aam'arake? I aki konaa ni manga kaoka maiuna! N na manga bon raonna naba n te tai teuana ni mate, ma e aki konaa n okirai.

1.Uea 3:7

Te UEA ae te Atua, bon am Toro ngai, ao Ko karikai b'a te uea i mwiin tamau. Ma I bon rangi ni uarereke ma ni karako au atatai n te m'akuri ni kairiiri.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 22:16

taiani koora, tirewa, buraonti ao taiani biti. Moan te rawata am taani m'akuri i bukin te m'akuri. Ma ngaia ae ko a riai ni waaki ngkai, ao I tataro b'a E na memena iroum te UEA i nanon am tai ni m'akuri.

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Iobi 16:22

A tabe ni waaki nako au ririki ngkai, ao I m'ananga n te kawai ae aki manga okirikaaki.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Taian Areru 89:48

Akea te aomata ae kona n inaomata man te mate ke te ruanimate.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

1.Timoteo 4:12

E na tai kakeaa bonganam temanna ngkai te rorobuaka n ataei ngkoe; ma ko na riki b'a te banna ni kakairi nakoia aika onimaki, n am taeka, n te bae ko karaoia, n arom n tangira, n am onimaki, ma te aro ni maiu ae itiaki.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Iotua 23:14

Ao ngkai e a bon roko au tai ni mate. Ao kam bon bane n ataia i nanomi ao n tamneimi b'a E a tia te UEA ae Atuami n anganingkami ni kabane baika E berita b'a E na anganingkami aika a raraoi. A bane n tia ni koro bukin Ana berita, ao bon akea teuana ae aki kakoroa bukina.