1.Uea 2:10 - Te B'aib'ara

¹⁰ E uea Tawita i aon Iteraera i nanon 40 te ririki. E uea i Eberon i nanon itiua te ririki, ao e uea i Ierutarem i nanon 33 te ririki.

1.Uea 2:10 Iomraidhean Croise

2.Tamuera 5:7

Ao e taku Tawita nakoia ana taanga ni buaka, “Kam na riai n rin man kawain te ran ni karekeia kaain Iebuti aikai.

2.Tamuera 5:9

Bon anne bukina ngkai iai te tua ae e kaangai, “Bon ti aomata aika a konaa n nakonako ke a noraaba aika a kariaiakaki i nanon te tembora.” E taua te nono are i aon Maungan Tion Tawita, ao i mwiina, e a manga m'aing nako ikekei, ao e arana te tabo arei b'a Ana Kaawa Tawita. Ao e a manga karaoa te kaawa arei, ni moanna man kanoaan nanona are mai mainiku.

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

1.Uea 1:21

Ngkana ko aki katanoata b'a antai ae e na uea i mwiim, ao ane a na taku aomata b'a I kamangao ma Toromon. Ane a na karaoira b'a kaanga buure ao a na tiringiira bon i mwiin naba matem.”

1.Uea 11:21

Ao ngke e ongo Atata b'a a mate Tawita ma Ioaba, ao e taku nakon te Uea, Te Uea ae ko karineaki. Taiaoka, kariaia b'a N na nako n okira oin abau.

1.Uea 11:43

ao e a mate ao e taunaki n ana kaawa tamana are Tawita. Ao e a manga uea natina are Roboam.

1.Uea 14:31

Boni kaain Ammon tinan Reoboam are Nei Naama, ma ngke e mate Reoboam, ao e taunaki i rarikiia ana bakatibu i Ierutarem. E a manga uea natina te m'aane are Abiiam.

1.Uea 15:24

Ao e mate Ata ao e taunaki n ruanimateia ana bakatibu i Ierutarem. E a manga uea natina are Iotiab'ata.

1.Uea 15:8

Ao e mate Abiiam ao e taunaki i Ierutarem, ao e a manga uea natina are Ata.

1.Uea 22:51

Ao e uea Aatia are natin Aaba i aon Iteraera n ana ka 17 n ririki Iotiab'ata ni Uea i aon Iuta, ao e uea i nanon 2 te ririki mai Taamaria.

1.Uea 3:1

Ao e tiainaa te beeb'a ni boraraoi Toromon i marenana ma uean Aikubita, ao e mare ma natina te aine. Ao e maeka neierei ni m'akoron Ierutarem nikawai, ni karokoa tian raoi ana bareti, te Tembora, ao oon Ierutarem ni katobibia.

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

2.Uea 14:20

Ao e uotaki rikaaki rab'atana nako Ierutarem i aon akuun te aoti ao e taunaki i rarikiia ana bakatibu. A tauaki rongorongoni b'aai ni kabane ake e karaoi Amatia n ana tai ni uea i nanon te boki are Rongorongoia uean Iuta.

2.Uea 15:38

E mate Iotam ao e taunaki i rarikiia ana bakatibu i Ierutarem, ao e a manga uea natina te m'aane are Aati.

2.Uea 16:20

E mate Aati ao e taunaki i rarikiia ana bakatibu i Ierutarem, ao e a manga uea natina te m'aane are Etekia.

2.Uea 8:24

E mate Ieoram ao e taunaki i rarikiia ana bakatibu i Ierutarem. E a manga uea i mwiina natina te m'aane are Aatia.

2.Uea 9:28

A anaa rab'atana naake bon ana mataniwi, ao a katokaa i aon te kaanibuaka ma ni kaokia nako Ierutarem ike a taunna iai i rarikiia ana bakatibu.

1.Rongorongo 11:7

Rimwi, e a manga waaki Tawita nakon te nono, ao bon anne bukina are e aranaki iai b'a ana Kaawa Tawita.

1.Rongorongo 29:28

E rangi ni kaub'ai Tawita mani karineaki ao e maiu ni karokoa e a kara. I mwiin matena, ao e a manga uea natina te m'aane are Toromon.

2.Rongorongo 24:16

ao e taunaki n ruanimateia uea i Ierutarem, i bukina ngke a rangi m'aiti baika e karaoi nakoia Iteraera, nakon te Atua, ao nakon te Tembora.

2.Rongorongo 9:31

e a mate ao e taunaki n ana kaawa tamana are Tawita. E a manga uea natina are Reoboam i mwiina.

M'akuri 13:36

B'a ngke e a tia Tawita n tou mwin nako ana taeka te Atua n ana roro, ao e mate, ao e kaweneaki rab'atana i rarikiia ana bakatibu, ao e mka rab'atana.

M'akuri 2:29

Mm'aane, taari, e riai b'a N na taekina aron Tawita are ara bakatibu nakoimi n aki wimakiki: b'a e mate ao e taunaki, ao e mena nena n taunaki i rarikira ni karokoa te bong aei.