1.Uea 19:2 - Te B'aib'ara

² Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 19:2 Iomraidhean Croise

2.Tamuera 19:13

Ao tuanga Amatia ni kaangai, “Bon ai natiu ngkoe, ao E na riki te Atua b'a te tia kakoaua b'a I tuea b'a N na karikiko b'a au kam'aanta n onea mwiin Ioaba.”

2.Tamuera 3:9

I buubutiia te Atua b'a e na buokai ngkana I aki buoka Tawita n anganna te b'ai ae E berita iai te UEA nakoina!

1.Uea 2:23

I tuea n aran te UEA b'a e na tiringaki Atoniia i bukina ngkai e buubutii n aron aei. Ao ngkana e aki tiringaki, ao I tataro b'a E na katuaaeai te Atua.

1.Uea 2:28

E aki buoka Abetarom teuare Ioaba b'a e na riki b'a te uea, ma e buoka Atoniia. Ma ngaia are, ngke e a ataia Ioaba b'a e a tia n tiringaki Atoniia, ao e biri nakon te Um'antabunrianna ma n taui ni kamatoai koonan te baonikarea ake aua.

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

2.Uea 19:22

Tennakeriba, ko taetae ni karereanti, ko takaarua, ao ko b'ainingareai, Ngai ae Atuan Iteraera ae e Tabu

2.Uea 6:31

Ao e taku, “I tataro b'a E na katuaaeai te UEA n te aro ae moan te korakora ngkana e bon tiku naba atuun Eritai i aon roroana nakon te ingabong.”

Te Otinako 10:28

E taku B'arao nakon Moote, “Naako mai rou! N na aki manga oki n noora matam! N na tiringko ngkana I a manga nooriko!”

Te Otinako 15:9

E taku te kairiribai, ‘N na kakioia ma n raweia. N na tib'ai kaub'aia ma n anai b'aai ni kabane aika I tangiri; N na buuta au kabaang ma n anai b'aai ni kabane ake i rouia.’

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 26:21

Ao ngke a ongo te uea are Ieoiakim ma ana tautia ma ana mataniwi ana taeka Uria, ao e iangoia te uea b'a e na tiringaki. Ma e ongo Uria, ao e biri nako Aikubita.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Ruuta 1:17

ike ko mate iai N na mate naba iai, ao I a taunaki naba iai. Ao ke E kamatoa aei te UEA: b'a ti te mate ae na karaureira.”