1.Uea 10:9 - Te B'aib'ara

⁹ I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

1.Uea 10:9 Iomraidhean Croise

2.Tamuera 23:3

E taku nako iu Atuan Iakob'a Au b'a ae e korakora, E karaoa ae e raoiroi te tia tautaeka ae e ongotaeka nakon te Atua

2.Tamuera 5:12

Ao e ataia Tawita b'a bon te UEA ae e karikia b'a te uea i aon Iteraera ao E a tia ni karikia b'a te tia tautaeka ae e korakora i bukin karaoan te raoiroi nakoia ana aomata.

2.Tamuera 8:15

Ao e tautaekana Iteraera ni kabutaa Tawita ma te eti ao te babaaire raoi.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 5:7

Ao e rangi ni kukurei Iram n ana buubutii Toromon ao e taku, “I rangi ni kaaitau b'a E a tia te UEA n angan Tawita natina te m'aane ae e wanawana b'a e na uea i aon te botannaomata are e korakora arei.”

1.Rongorongo 17:22

Ko a tia n rinea Iteraera b'a am aomata n aki toki, ao Ko a tia n riki b'a Atuaia.

2.Rongorongo 2:11

Ao e kaoka ana kaeka Iram nakon Toromon: I ataia b'a E bon tangiriia ana aomata te UEA, b'a e a tia n rinea aia uea.

Taian Areru 18:19

E kainaomataai man te kaangaanga; E kamaiuai b'a kioina ngkae E kukurei irou.

Taian Areru 22:8

Ao a kaangai, Ko onimakina te UEA, Ao ke E kamaiuko! Ngkana E tangiriko, ao ke E buokiko!

Taian Areru 72:2

B'a e aonga n tautaekaniia am Botannaomata n te eti, Ao n tau aroia am Aomata akana b'ainikirinaki n te babaire ae raoiroi.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Maraki 1:2

Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Te Tua-Kaua 7:8

ma E a tia n rineingkami i bukina b'a E tangiringkami, ao i bukina naba b'a E a tia ni berita nakoia ami bakatibu. Ao i mwiina, E a manga kamaiungkami ni baina ae korakora mai Aikubita, are a karaoingkami b'a aia toro.