1.Uea 1:9 - Te B'aib'ara

⁹ Ao Atoniia e kaoiia tarina nako ma ana aobitia nako Tawita ma Iuta b'a a na iria nakon te B'a are Toreta are i rarikin koburaken ranin Rokera, ike e anga iai ana karea tabeua tiibu, kaom'aane, ao kaao ataei aika a marika.

1.Uea 1:9 Iomraidhean Croise

2.Tamuera 17:17

Ao a nako n tataninga Ionatan ma Aimaati i rarikin te koburake n ran i Rokera b'a a ribaa norakiia i Ierutarem. Ao e nakon te koburake n ran te aine ae te tia m'akuri ao e anganiia te rongorongo are a na kaongoa Tawita.

1.Uea 1:19

E anga taiani kao ma kao ataei, ao taian tiibu aika a m'aiti b'a a na karea. Ao e kaoa Abiata are te ibonga, ma Ioaba are mataniwiin te taanga ni buaka, ao natim m'aane ni kabane, ma ti Toromon ae te toro ae e kakaonimaki ae e aki kaoa.

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

Iotua 15:7

Ao maikanne e a manga birirake nako m'aruan te kangaanga nako Tebira, ao e manga nako iang ni kaitaraa Kirekara, are kaaitaraa kawain Arummim are i maiakin te m'arua, ao e a manga waaki nakon te koburake n ran are i Entemeti, ao e a manga otinako nako Enrokera.

Iotua 18:16

Ao e a manga biri rikaaki nako oin te maunga are e kaitaraa te m'arua are Innom, are i tabon te m'arua are Rebaim mai meang. E a manga nako aiaki n ri nanon te m'arua are Innom are i maiakin taberan maungan Iebuti ni kaineta rarikin Enrokera.