1.Timoteo 6:5 - Te B'aib'ara

⁵ ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

1.Timoteo 6:5 Iomraidhean Croise

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Mataio 12:33

E riai n iai i roumi te kai ae maiu raoi ngkana kam tangira te uaa ae raoiroi; ngkana e aki maiu raoi te kai, ao ane kam na karekea uaana ae buakaka; b'a e kinaki aron te kai n uaana.

Mataio 21:13

E taku nako ia, “E koreaki ae kangai, ‘E na atongaki au auti b'a te auti n taromauri.’ Ma kam karaoia b'a nneia taani kimoa ni karabaia!”

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

1.I-Korinto 11:16

Ma ngkana iai ane kani kauntaeka taekan te baei, ao akea riki ae I kona n taekinna, b'a ti aei: b'a akea riki te katei teuana ae ti ataia ke a ataia ana ekaretia nako te Atua.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 1:6

Aomata aika b'aoua nako kawaia mani baikanne a rairaki nakon te kauntaeka ae akea manenana.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 3:8

Ao ai aroia naba taani buobuoki, a na taua ma nanoia, a na taekina te koaua, a na tai manging, ao a na tai kani b'aib'ai n te aro ae aki riai!

1.Timoteo 4:7

Ma ko na tai mutiakini karaki aika aki koaua aika bo buaka ma kanoan te euangkerio, aika karaki aika akea nanoia. Kataneiako b'a ko aonga n rangi n reitaki ma nanon te Atua ni maium.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

1.Timoteo 6:6

Ma bon iai te kaub'ai ae bati n tauan te Aro iroun te aomata, ngkana e rauaki nanona n are e reke i rouna.

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 18:13

ma te tineman, ma te amomum, ma baika boiarara, ma muura, ma riibano, ma te wain, ma b'aan te oriwa, ma te buraawa ae karaoaki raoi man uita, ma uita aika tuai n riki ni buraawa, ma kaao, ma tiibu, ma aoti, ma kaa aika katikitikaki irouia aoti, ma tooro, ma taenikai.

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.