1.Timoteo 6:4 - Te B'aib'ara

⁴ ao bon te aomata ngaia ae kainikatonga ao e nano roo. E babaeakina te kan tititiraki ma te kauntaeka, aika e riki mai iai te bakantang, ma te unra, ma taetaebuaka, ma iango ni katautau aika aki raraoi,

1.Timoteo 6:4 Iomraidhean Croise

Taeka n Rabakau 13:7

A bakaaea te maiu ni kaub'ai, tabem'aang aika akea aia b'ai ma a bakaaea te maiu ni kainano, tabem'aang aika a m'aiti aia b'ai.

Taeka n Rabakau 25:14

E buakaka riki te berita ae e uruaki nakon te nangi ni karau ae e aki uota te karau.

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Itaia 58:4

Ao e bon maraki naba nanom ao ko tauraoi nakon te un. Ti na bon aki mimi ngkai e aki ongo te Atua ara tataro nako!

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 18:15

Ma ngkai e kaeti ma taian titiraki i bukin taeka ma aara, ma taekan ami tua, ao I a katikui taekaia nakoimi, b'a I aki kan riki b'a te tia motiki taekani baikai.”

M'akuri 8:9

E maeka n te kaawa arei te aomata temanna, ae arana Timon. E a maan teuaei ni b'aina te tabunea, ao e aki toki ni kamimiia I-Taamaria n ana tabunea. E taku b'a te aomata ngaia ae kakannato,

I-Rom 12:16

Kam na kabobo nanomi. Tai b'aina te nano ni kani kakannato riki nakoia tem'angina, ma kam na kukurei n i raorao ma akana mangori. Tai iangoingkami b'a kam wanawana.

I-Rom 13:13

Ti na b'aina te aro ae riai ni maiura n ai aroia aomata aika maeka n ootan te ngaina; ti na aki b'aina te maiu are iai i nanona te momooi manging, ma te wene ni bure, ma aaro ni kammaira nako, ma te unun, ma te bakantang.

I-Rom 14:1

Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

I-Rom 2:8

Ao nakoia ake a ukoukori ti oini kab'aiaia, ake a aki ira nanon te koaua, ma a ira nanon te buakaka, e na roko unin te Atua i aoia ao e na rawawata ana moti nakoia.

1.I-Korinto 11:16

Ma ngkana iai ane kani kauntaeka taekan te baei, ao akea riki ae I kona n taekinna, b'a ti aei: b'a akea riki te katei teuana ae ti ataia ke a ataia ana ekaretia nako te Atua.

1.I-Korinto 11:18

B'a aio moa, ngkana kam botaki n ekaretia. ao I ongo b'a e bwenaua ami botaki nakoni koraki n i-kakaiwi aika kakaokoro; ao I kakoaua te rongorongo anne teutana.

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 3:3

i bukina b'a kam teimatoa ni b'aina te maiu are bobuaka ma nanon te Atua. B'a ngkai iai i roumi te bakantang, ma te kauntaeka, ao tiaki kam ekaanako nanon te Atua, ao kam katotoong aroia aomata?

2.I-Korinto 11:20

B'a kam taon nanomi ngkana e toroningkami temanna, ngkana e kurib'aingkami temanna, ngkana e kam'aneingkami temanna, ngkana e kakeaa bonganami temanna, ao ngkana e oroubuingkami temanna.

I-Karatia 5:15

Ma ngkana kam i tenatena ma n i kaakang, ao kam na tarataraingkami b'a kam kaawa ni kamaunaingkami temanna iroun temanna.

I-Karatia 5:26

Ti na tai riki ni kainikatonga, ti na tai i kaunun, ao ti na tai i babakantang.

I-Karatia 6:3

B'a ngkana e taku temanna n ana iango b'a e kakannato, ngke e bon aki, ao e burebureia.

I-Biribi 1:15

Bon iai tem'angina aika tataekina Kristo i bukin nanoia n nanonibwi ma ni kani kakauntaeka; ma iai naba tabem'aang aika tataekinna ma nanoia ae e raoiroi;

I-Biribi 2:14

Kam na karaoi b'aai ni kabane n aki ngurengure ma n aki kabo-taeka;

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

1.Timoteo 1:4

ao a na tai kabanebuakai aia tai ni karaki nikawai aika oteaki ma taiani kateiriki aika rangi n ananau, aika kariki taiani kauntaeka, ao a aki buoka ana kaantaninga te Atua are e ataaki n te onimaki.

1.Timoteo 1:7

A kan riki b'a taan reirei i bukin te Tua. Ma a aki ata te baere a taekinna, ma baike a kawimatoaia iai.

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.

2.Timoteo 2:14

Ko na kauringiia am aomata baikanne, ao tuangiia i matan te Atua b'a a na tai kauntaeka b'a akea manenana, b'a e na kona n urui nanoia akana ongora.

2.Timoteo 2:23

Ma ko na tai mutiakin taian titiraki ni baba aika aki kawanawana te aba, ngkai ko atai b'a a kariki kauntaeka.

2.Timoteo 3:4

taani kam'anea te aba, taan aki kuba b'a tera ae na riki i mwin te baere a karaoia, taan nanorieta, taan tangira riki kukurein nanoia nakon tangiran te Atua;

Tito 3:9

Ma ko na kararoako man taian titiraki ni baba, ma taiani kateiriki, ma unraa, ma kauntaeka i aon taekan te Tua, b'a akea manenaia ao akea naba uaaia.

Iakobo 1:19

Tariu aika kam tangiraki, kam na ata aei: a riai aomata nako n aki tab'ara n ongora, a na aki waekoa ni kan taetae, ao a na aki kakai un;

2.Betero 2:12

Ma te koraki aei, aika kanga maan aika aki wanawana, aika bungiaki b'a a na tauaki ni kamateaki, a taetaebuakai baika a aki atai. A na boni kamateaki n ai aroia maan aika aki wanawana;

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

Iuta 1:10

Ao te koraki aei a taetaebuakai baika a aki atai aroia; ao baika a atai n aia namakin aika ai aron aia namakin maan aika aki wanawana, a kamateaki iai.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.