1.Timoteo 6:10 - Te B'aib'ara

¹⁰ B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.

1.Timoteo 6:10 Iomraidhean Croise

Karikani B'aai 29:14

ao e taku Raab'an, “Eng, bon te koaua b'a bon irikou, ao raraau ngkoe.” Ao e tiku ikekei Iakob'a n te nam'akaina arei.

Karikani B'aai 29:26

Ao e taku Raab'an, “Boni katein ara tabo aei b'a e aki kona moa ni iein te nati te aine te karimwi i m'aain ieinin te nati te aine te karimoa.

Karikani B'aai 34:27

Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki.

Karikani B'aai 38:16

Ao e nako ina i rarikin te kawai, ao e taku, “Neiko iraua boom?” (E aki ataia b'a ngaia bon neiere buun natina.) Ao e taku neierei, “Tera ae ko na anganai?”

1.Uea 2:40

ao e a tokara naba ana aati n rimwiia. Ao a reke i rouna ao e kairiia nako Ierutarem.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Taian Areru 32:10

Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taeka n Rabakau 1:19

Te kaub'ai are ko karekea man te bure e na manga bon iraeiko mani maiumi.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Te Minita 2:19

Antai ae e ataia b'a a iangoraoi te koraki aikai, ke a nanoroo? E ngae ngke iangoraoi, ke e nanoroo ma N na boni b'aini b'aai ni kabane aika I a tia ni karekei n au m'akuri korakora ao wanawanau. Bon akea nanona.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Etekiera 13:19

A tuangiia aomata b'a a na uoti rekenibaia tabeua te abuta te b'are ao uoua taiani kariki, ao ngaiia a na anganiia taian rongorongo aika a kamamaaeai. A kabongana te kewe ni motikitaekaia aika a akea aia bure nakon te mate ao a buokiia taani bure n anganiia te inaomata. Ao a kakoauaaki irouia aia aomata!

Etekiera 16:33

E kabooaki ainen mataawa, ma ngkoe ko anga b'aintangira nakoia am tangira ao ko kamaraa atoia b'a aonga n roko ni matu ma ngkoe.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 6:19

Tai kaiko ami b'ai aika kakawaki i aonnaba, ike e kangi b'aai iai te koa ma te raraa, ao a ururu ma n irae iai taan ira;

Mareko 4:19

ma iango n raraoma nako i bukin te maiu aei, ao tangiran taiani kaub'ai ma b'aai nako aika kamataaia te aba, a karib'ab'aa te taeka, ao e aki kariki uaa.

Te Tua-Kaua 23:18

Te UEA ae Atuami, E bon rangi n ribaia m'aane ma aine aika karaoi aekaki ni m'akuri aikai, ao E na bon aki butim'aai aia b'aintangira, e ngae ngkana E a tia ni berita nakoia.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 6:21

are a kaota tauani bukina tabem'aang, ao a riki ni bua iai aia onimaki. E na mena iroumi te akoaki.

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

2.Timoteo 3:2

B'a ane a na riki aomata b'a taan tangiriia i bon i rouia, taani baki-tianti, taani kamoamoaia, taani kainikatonga, taan taetaebuaka, taan aki-ongeaba nakoia aia karo, taani bangaomata, taani kam'araai ana b'ai te Atua,

2.Timoteo 4:10

B'a e kitanai Tema, i bukin tangirani b'ain te maiu aei, ao e nako Tetaronike; ao Kiretike e nako Karatia, ao Tito e nako Tarematia.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

Iakobo 5:19

Tariu, ngkana iai iroumi ae kitana te koaua ao temanna e a manga kaokia,

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 18:13

ma te tineman, ma te amomum, ma baika boiarara, ma muura, ma riibano, ma te wain, ma b'aan te oriwa, ma te buraawa ae karaoaki raoi man uita, ma uita aika tuai n riki ni buraawa, ma kaao, ma tiibu, ma aoti, ma kaa aika katikitikaki irouia aoti, ma tooro, ma taenikai.