1.Timoteo 5:3 - Te B'aib'ara

³ Ko na karineia n akoia aine aika boni kananoanga ni koaua ngkai a mate buia.

1.Timoteo 5:3 Iomraidhean Croise

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Iobi 31:16

I bon tuai man rawa ni buoka te aomata ae kananoanga, ao I aki naba kariaia aine aika akea buuia b'a a na kainano,

Taian Areru 146:9

E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Taian Areru 94:6

A kamateia aine aika a mate buia, ma ataei akana akea aia karo, Ao a kamateia naba iruwa aika a tia n reke maekaia i abara.

Te Otinako 20:12

“Karineia tamami ma tinami b'a a aonga n ab'ab'aki ami bong ni maiu i aon te aba are I anganingkami.

Ieremia 49:11

Ma kam na katikuia ami ataei aika akea tamaia ao aine aika akea buuia.

Mataio 15:6

Ao e a tau ngkana e aki karinea tamana ke tinana. Ma ngaia are i bukin ami taeka n reirei, ao kam a tia ni kakeaa iai ana taeka te Atua.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Ruka 2:37

E a tia ni mate buuna, ao ai wanibwi ma aua ana ririki ni maiu.

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

Te Tua-Kaua 10:18

E teetei te UEA i bukiia ataei aika akea aia karo, ao aine aika a mate buuia. E kakawakiniia iruwa ma n anganganiia kanaia ao kunnikaia.

Te Tua-Kaua 14:29

Bon akea abaia kanoan Rewi, ma ngaia are, kam na anganiia kanaia man te autinib'ai. Ao kam na anganiia naba kanaia aomata aika kainano, n reitaki ma ataei aika akea aia karo, aine aika akea buuia, ao taian iruwa,. Ngkana e reke kanaia ae tau nakoia, ao ane E na kukurei iai te UEA ae Atuami, ao E na katekeraoingkami ni b'aai ni kabane akana kam karaoi.

1.I-Tetaronike 2:6

Ti aki ukoukora kamoamoara mairouia aomata, ke mai roumi, ke mairouia tabem'aang.

1.Timoteo 5:2

ao unaine b'a kanga tinam; ao ko na reitaki n te aro ae itiaki ma ateiaine b'a kanga m'anem.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

1.Betero 3:7

Ao i bukimi mm'aanenum'a: kam na maeka ma buumi ma te atatai b'a ngaiia ai aron te m'angko ae mamara riki, ngkai te aine. Kam na karineia, i bukina b'a a na uaia ni b'aib'ai ma ngkami n te b'ai n tituaraoi ae te maiu; b'a a aonga ni kaekaaki ami tataro.