1.Timoteo 4:7 - Te B'aib'ara

⁷ Ma ko na tai mutiakini karaki aika aki koaua aika bo buaka ma kanoan te euangkerio, aika karaki aika akea nanoia. Kataneiako b'a ko aonga n rangi n reitaki ma nanon te Atua ni maium.

1.Timoteo 4:7 Iomraidhean Croise

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

1.Timoteo 1:4

ao a na tai kabanebuakai aia tai ni karaki nikawai aika oteaki ma taiani kateiriki aika rangi n ananau, aika kariki taiani kauntaeka, ao a aki buoka ana kaantaninga te Atua are e ataaki n te onimaki.

1.Timoteo 1:9

ngkae e ata te Tua b'a e aki karaoaki i bukin te aomata ae e raoiroi, ma e karaoaki i bukiia aomata aika akiako ma aika aki ongeaba, ao i bukiia aika aki itiaki ma aika eekaanako nanon te Atua ma taani bure, ao i bukiia aika akea karinean te Atua i rouia ma taani kam'araei ana b'ai te Atua, ao i bukiia taan tiringiia tamaia ma taan tiringiia tinaia, ma taan tiringiia aomata,

1.Timoteo 2:10

ma a na katamaroaia ni m'akuri aika raraoi, b'a bon te b'ai ae riai irouia aine aika tabu b'a Kristian ngaiia.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

1.Timoteo 6:20

Timoteo, ko na kawakina te baere ko mwiokoaki iai. Ko na tan nako mani b'arantiko aika akea nanoia aika aki itiaki, ao man iango ni kauntaba aika kanoan te baere e aki tau n aranaki b'a te Rabakau;

1.Timoteo 6:3

Ngkana iai temanna ae reireiia aomata te koaua ae kaokoro, ao e aki boraoi nanona ma taeka ni koaua aika ana taeka ara Uea are Iesu Kristo, ao e aki boraoi naba ma koauan te Aro ni Kristian,

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Timoteo 2:16

Ko na kararoako mani b'arantiko aika akea nanoia aika aki itiaki, b'a ane a na kairiia aomata ni kararoaia ma te Atua;

2.Timoteo 2:23

Ma ko na tai mutiakin taian titiraki ni baba aika aki kawanawana te aba, ngkai ko atai b'a a kariki kauntaeka.

2.Timoteo 3:12

Ao ane a na bane ni b'ainikirinaki naba akana kani kabane aia bong ni maiu n iraorao ma te Atua ngkai a reitaki ma Kristo Iesu;

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

2.Timoteo 4:4

Ane a na katannakoi taningaia man te koaua, ao a na ongora ni karaki nikawai aika oteaki.

Tito 1:14

ao a aki manga katabeia ma karaki nikawai aika oteaki aika aia karaki I-Iutaia, ma aia tua aomata aika riba te koaua.

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Tito 3:9

Ma ko na kararoako man taian titiraki ni baba, ma taiani kateiriki, ma unraa, ma kauntaeka i aon taekan te Tua, b'a akea manenaia ao akea naba uaaia.

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.