1.Timoteo 4:1 - Te B'aib'ara

¹ E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

1.Timoteo 4:1 Iomraidhean Croise

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Ieremia 23:26

A nako b'aai ni kabane ake a taekin man nanoia aika a b'aoua. E na maanra aron te waaki aei?

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 49:39

Ma I berita b'a n te tai teuana are N na uotiia ami aomata n okira abaia.

Etekiera 1:3

Ao I ongo b'anaan te UEA ngke e taetae nako iu i rarikin te karaanga are Keeb'ara, ao I kaonaki n te m'aaka.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Warekaia Iteraera 24:14

Ma ngaia are, N nang nako n okira au auti, ma N na katikuko ma te kauring i bukin te b'ai ae a na karaoia Iteraera nako ia am botannaomata n te bong teuana.”

Mataio 18:7

E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Ruka 17:1

E taku Iesu nakoia ana reirei: Ae a na bon roko taiani karirii nakoni karaoan te buakaka, ma e na reke kain ane a roko mai rouna baikanne.

Ioane 16:13

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 20:23

Ma I ti ata ana taeka te Tamnei are Raoiroi nako iu ni kaawa nako, b'a E taku b'a N na kaitaraa ma b'aai ni kabaebae ao te karawaawataaki.

M'akuri 21:11

Ngke e roko iroura, ao e anaa kabaean nuukani B'auro, ao e kabae baina ma waena i bon i rouna iai, ao e taku, “Aikai ana taeka te Tamnei are Raoiroi, Ane a na kabaea te aomata ae ana b'ai te kabaea n nuuka aei I-Iutaia ake i Ierutarem, ao a na anga nako nanoni baiia aomata aika tiaki I-Iutaia.”

M'akuri 28:25

E aki reke i rouia te boraoi n nano, ma ngaia are a nako i mwin ana taeka teuana B'auro are atongnga, ae kaangai, “E eti ana taeka te Tamnei are Raoiroi iroun Itaia are te burabeti nakoia ami bakatibu,

1.I-Korinto 10:20

I aki, ma ae I nanonna: b'a baike a anga beekan b'a aia karea a anga nakoia taimonio, ma tiaki nakon te Atua; ao I aki tangiringkami b'a kam na buokanib'ai ma taimonio.

1.I-Korinto 11:19

B'a a bon riai n iai taiani bwenaua n ami botaki, b'a a aonga ni kinaki iai te koraki aika bon taan onimaki ni koaua i buakomi.

1.I-Korinto 12:11

Bon te Tamnei are Raoiroi naba aei ae ti temanna ae karaoi baikai ni kabane, n tib'atib'ai nakoia aomata n tatabemaniia nako n ai aron nanona.

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

Te Tua-Kaua 32:29

Ngke kam karaoia, ao kam na noora kawaimi are kam m'ananga nako iai.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

2.Timoteo 3:13

ma aomata aika buakaka ma aika m'am'anaa te aba n aroia n atongiia b'a aomata tabem'aang ngke bon tiaki ngaiia; ane a na rikirake aroia man ae buakaka nakon ae buakaka riki, ni bureburea te aba ao ni burebureaki i bon i rouia.

2.Timoteo 4:4

Ane a na katannakoi taningaia man te koaua, ao a na ongora ni karaki nikawai aika oteaki.

Iakobo 3:15

Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

2.Betero 3:3

Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.

1.Ioane 4:6

Mairoun te Atua ngaira: ane ata te Atua ao e ongo i roura; ane tiaki mairoun te Atua, ao e aki ongo i roura. Ti kona n ata te kaokoro i marenan tamnein te koaua ao tamnein te m'am'ana te aba.

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:11

“Ane iai taningana ao ke e ongo ana taeka te Tamnei are Raoiroi nakoia ekaretia. “Ane tokanikai ao e na bon aki kamarakaki n te mate are te kauoua.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 2:29

“Ane iai taningana ao ke e ongo ana taeka te Tamnei are Raoiroi nakoia ekaretia.

Te Kaotioti 2:7

“Ane iai taningana n ongo, ao ke e ongo ana taeka te Tamnei are Raoiroi nakoia ekaretia. “Ane tokanikai ao N na anganna te am'arake man te kai ni maiu are mena n ana B'aretaiti te Atua.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 20:8

ao e na nako ni m'am'anaia botannaomata nako ake a mena i aon aaba ni kabane, ake botannaomata ake Koka ma Makoka E na botiia i bukin te buaka; ao m'aitiia ai aroni m'aitin tanon te bike.

Te Kaotioti 3:13

“Ane iai taningana ao ke e ongo ana taeka te Tamnei are Raoiroi nakoia ekaretia.

Te Kaotioti 3:22

“Ane iai taningana ao ke e ongo ana taeka te Tamnei are Raoiroi nakoia ekaretia.

Te Kaotioti 3:6

“Ane iai taningana ao ke e ongo ana taeka te Tamnei are Raoiroi nakoia ekaretia.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;