1.Timoteo 3:13 - Te B'aib'ara

¹³ B'a taani buobuoki aika karaoa raoi aia m'akuri a karekei nneia aika raraoi, ao a kona n taekina taekan onimakinan Kristo Iesu i rouia ma te ninikoria.

1.Timoteo 3:13 Iomraidhean Croise

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Ruka 19:17

Ao ngaia e taku nako ina, “E nako raoi am m'akuri, te toro ae ko raoiroi ngkoe! Ngkai ko a tia ni kakaonimaki n ae rangi n uarereke, ao ko na mataniwi i aon tebwina te kawa.”

M'akuri 21:35

Ngke e roko i aon te tabo n nakonako ni waerake, ao e a uotaki ngkanne irouia tautia i bukin iowawaia aomata.

M'akuri 6:15

Ao a bane ake a tekateka n te Tanirim ni katoka mataia n tara Tetebano, ao a nora matana b'a kanga ai aron taraani matan te anera.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

M'akuri 6:8

E rangi ni kakab'aiaki Tetebano iroun te Atua, ao e on n te m'aaka: e karaoi m'akuri ni kamimii aika ab'ab'aki ma kanikina i buakoia aomata.

1.I-Korinto 16:15

Kam ata Tetebana ma ana utu, b'a ngaiia ake a moa n riki b'a taan onimaki, ao a anga nanoia b'a taani beku i bukiia ake a itiaki: I butingkami, tariu, b'a

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.Timoteo 3:14

Ngkai I koroi baikai nako im, ao I kaantaninga b'a N na roko i roum i nanon te tai ae aki maan.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.