1.Timoteo 2:9 - Te B'aib'ara

⁹ I tangiriia naba aine b'a a na kunnikainiia n te kunnikai ae riai ae a na aki taekinaki ni kamoamoaki iai; ao a na tai kunnikainiia ni kunnikai aika bo-buaka;

1.Timoteo 2:9 Iomraidhean Croise

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

2.Uea 9:30

Ao e waaki ni kaineta Ietebera teuare Ieu, ao ngke e ongo Nei Ietebera rokon Ieu, ao e kabiri matana, ao e karaoa irana. Ao i mwiina e tei i matan ana winto n tataningaa rokona.

Etita 5:1

Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taeka n Rabakau 31:22

E bon itutuu, ao a bane n tamaroa ana kunnikai aika e b'ain.

Taeka n Rabakau 31:25

E marurung ao e kakukurei, ao e kaantaningai boong aika a na roko ma te kukurei.

Taeka n Rabakau 7:10

E kunnikainna n te kunnikai ae e tamaroa kaanga ainen mataawa ma ana kaantaninga ae ti teuana i nanona.

Itaia 3:16

E taku te UEA: A kamoamoa ainen Ierutarem ao a aiwaa n aki akaaka, ma ni kamatararaoia. A karin i waeia b'aai aika a kekekeke ni katika mataia aomata n te kawai are a nakonako iai.

Itaia 61:4

Ao i mwiina, ti na karaoi kaawa aika a buubura ake a tia ni uruaki i nanon rooro aika a bati.

Ieremia 2:32

E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 4:30

Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

Mataio 11:8

Ao tera ngkanne bukin are kam nako iai? Kam na nora te aomata ae kunnikaia n te kunnikai ae tikiraoi? Noria, a mena n aia auti uea aomata aika kunnikaiia ni kunnikai aika tikiraoi.

1.Timoteo 2:10

ma a na katamaroaia ni m'akuri aika raraoi, b'a bon te b'ai ae riai irouia aine aika tabu b'a Kristian ngaiia.