1.Timoteo 2:8 - Te B'aib'ara

⁸ Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

1.Timoteo 2:8 Iomraidhean Croise

1.Uea 3:11

Ko aki naba buubutii i bukin kamaunakiia am kairiribai, ma ko buubutii i bukin te wanawana n ataa arom ni babaaire.

Iobi 16:17

E ngae ngke bon akea te b'ai ae buakaka ae I a tia ni karaoia, ao a itiaki au tataro.

Taian Areru 134:2

Kam na tabeki rake baimi n tataro i nanon te Tembora n neboa te UEA!

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 28:2

Ongo irou ngkana I tabeki rake baiu ni kaitaraa am Tembora n au tai n tataro, B'a I tangira buokau mairoum.

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Taian Areru 63:4

N na katituaraoiko n ua tokin au bong ni maiu; N na tabeki rake baiu n tataro nakoim.

Taian Areru 66:18

Ngke arona b'a I a kamani katinanikui taekan au bure, Ao E na bon aki ongo irou te Uea.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Mataio 21:21

E kaekaia Iesu ao E taku, “E koaua ae I a tuangngkami b'a ngkana iai ami onimaki ao kam aki nanokokoraki, ao kam kona ni karaoa ae e karaoaki nakon te biku aei; ao tiaki ti ngaia, ma ngkana kam kangai nakon te maunga aei, Ko na tabekaki nako n teweaki nako marawa, ao e a karaoaki naba.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Mataio 6:12

Ao Ko na kab'ara ara bure mai roura, n ai arora ngkai ti kab'ara aia bure akana bure nako ira;

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

Ruka 24:50

Ao E kairia Iesu nako tinanikun Ierutarem ni karokoa a kaani ma Betania; ao E katei baina, ao E taetae ni kakab'aiaia.

Ioane 4:21

E taku Iesu nakoina, “Neiko, ko na kakoauaai b'a ane na roko te tai are a na aki taromauria iai te Tama aomata i aon te maunga aei, ke i Ierutarem.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 7:7

Ai bia arou aomata ni kabaneia! Ma a bane aomata nako n toa ma te b'ai n tituaraoi mairoun te Atua: e anganaki temanna te aeka teuana, ao temanna te aeka teuana.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

I-Biribi 1:12

Taari, I tangiringkami b'a kam na atai b'aai aika riki i rou, b'a a riki b'a buokani wakin te euangkerio.

1.I-Tetaronike 1:8

B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Betero 3:7

Ao i bukimi mm'aanenum'a: kam na maeka ma buumi ma te atatai b'a ngaiia ai aron te m'angko ae mamara riki, ngkai te aine. Kam na karineia, i bukina b'a a na uaia ni b'aib'ai ma ngkami n te b'ai n tituaraoi ae te maiu; b'a a aonga ni kaekaaki ami tataro.