1.Timoteo 2:4 - Te B'aib'ara

⁴ ae tangiriia aomata ni kabaneia b'a a na kamaiuaki, ma n ata te koaua ae kaangai,

1.Timoteo 2:4 Iomraidhean Croise

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Etekiera 18:23

I bon aki tangiria n tarataraia aomata aika a buakaka ngkana a mate. I tangiria b'a N na nooria n rairaki man aia bure nako ma ni maiu.

Etekiera 18:32

I aki tangiria Ngai ae te UEA ae te Atua b'a N na noora anne ngkana e riki nakoia aomata nako. Ma ngaia ae ani katoka karaoan te bure ao kam a maiu!

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ruka 1:77

Ko na kaotia nakoia ana aomata b'a a na kamaiuaki iroun te Atua ni kab'araan aia bure.

Ruka 14:23

Ao e taku te mataniwi nakon te toro, “Ko na nako ni kawai aika raababa ma kawain te marenaua, ao imanonoia aomata b'a a na nako mai, b'a e aonga ni kaonaki au auti.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 17:17

Ko na tabuia n am taeka aika koaua; te koaua am taeka.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

I-Rom 11:14

B'a a aonga ni bakantang kaain au botannaomata; ao n te aro anne a kona iai ni kamaiuaki tabem'aang i buakoia iroun te Atua n au m'akuri.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

2.Timoteo 2:25

e na nimamannei n reireiia akana a ekianako ao tao a na anganaki aia tai mairoun te Atua are a na biti nanoia iai b'a a aonga n ata te koaua;

2.Timoteo 3:7

Aine aika aki toki ni kani karekei rabakauia, ma e bon aki kona n reke i rouia ataakin te koaua.

Tito 1:1

Ngai ae B'auro, ana toro te Atua, ao ana tia tuatua Iesu Kristo, i bukin aia onimaki ake a rineaki iroun te Atua, ma ataakin te koaua n te Aro ni Kristian.

Tito 2:11

B'a E a tia te Atua ni kaota ana akoi i bukini kamaiuaia aomata ni kabaneia.

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;

Iakobo 3:14

Ma ngkana iai i nanomi te bakantang ae bati ma te iangoingkami i bon iroumi, ao kam na tai kamoamoaingkami n eekaanako te koaua ma ni kakewea.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.

2.Ioane 1:1

Mairoun te unimm'aane nakon te aine ae karineaki ae rineaki ma natina akana I tangiriia ni koaua; ma tiaki ti ngaia, b'a a tangiraki naba irouia ni kabaneia ake a ata te koaua;

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.