1.Timoteo 2:10 - Te B'aib'ara

¹⁰ ma a na katamaroaia ni m'akuri aika raraoi, b'a bon te b'ai ae riai irouia aine aika tabu b'a Kristian ngaiia.

1.Timoteo 2:10 Iomraidhean Croise

Taeka n Rabakau 31:25

E marurung ao e kakukurei, ao e kaantaningai boong aika a na roko ma te kukurei.

Taeka n Rabakau 31:31

Kaota karineana neboia i mataia aomata i bukin baika e a tia ni karaoi.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

1.Timoteo 2:11

E na reirei te aine ma e na aki karongoa, ao e na aan taeka.

1.Timoteo 2:9

I tangiriia naba aine b'a a na kunnikainiia n te kunnikai ae riai ae a na aki taekinaki ni kamoamoaki iai; ao a na tai kunnikainiia ni kunnikai aika bo-buaka;

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

2.Betero 3:11

Ma ngaia aei, ngkai a nangi mauna nako aroni b'aai ni kabane n te aro aei, ao aaro ra aromi aika riai b'a kam na maeka n itiaki iai, ao n reitaki ma te Atua,

Te Kaotioti 2:19

I atai aroarom ni kabane ma am tangira, ma am onimaki, ma akoan te aba i roum, ma nanom'akam, ma am m'akuri ake ko a tib'a karaoi rimwi b'a a m'aiti riki nakon ake rimoa.