1.Timoteo 1:9 - Te B'aib'ara

⁹ ngkae e ata te Tua b'a e aki karaoaki i bukin te aomata ae e raoiroi, ma e karaoaki i bukiia aomata aika akiako ma aika aki ongeaba, ao i bukiia aika aki itiaki ma aika eekaanako nanon te Atua ma taani bure, ao i bukiia aika akea karinean te Atua i rouia ma taani kam'araei ana b'ai te Atua, ao i bukiia taan tiringiia tamaia ma taan tiringiia tinaia, ma taan tiringiia aomata,

1.Timoteo 1:9 Iomraidhean Croise

2.Tamuera 16:11

Ao e taku Tawita nakon Abitiai ao ana tautia ni kabane: E kataia n tiringai oin natiu te m'aane! Ao e aera ngkai e tangiria riki te m'aane aei man te baronga are Beniamin b'a n na mate riki? Ke kamaraiaia ni kabane akana e tangiriia. E na mena ngkoa ao E bon tuangnga te UEA b'a e na kamaraiaai.

2.Uea 19:37

N te tai teuana e taromauri n ana tembora antina are Nitiroka, ao e a tiringaki irouia natina m'aane ake Aterammereka ao Tiaretera n aia kabaang. A biri nakon te aba are Ararata, ao e uea i mwiina natina te m'aane are Etaraaton.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Te Otinako 20:13

“Ko na aki tiriaomata.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Taeka n Rabakau 20:20

A na roko n aban te rotongitong i m'aain rokon aia tai, naati aika a kamaraiaia aia karo.

Taeka n Rabakau 28:17

Tai buokiia taan tiriaomata! Katikuia ni bon aia waaki ni kabane bongin maiuia.

Taeka n Rabakau 28:24

Ngkana ko aonikaia am karo ma n aki tabeakina am kaairua, ao bon te kimoatoo ngkoe.

Taeka n Rabakau 30:11

Iai tabeman aomata aika a kamaraiaia tamaia ao bon tinaia naba;

Taeka n Rabakau 30:17

Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

Ieremia 23:11

E taku te UEA b'a N na taetae ni kaangai: E bon rangi n uarereke iangoakiu Ngai ae te UEA iroumi ngkami aika burabeti ma ibonga, n te aro are kam bure naba nakon oin au Tembora!

Etekiera 21:25

E a roko ngkai bongin kabanean katuaaeakimi ikai.

Nakoaia Ibonga 20:9

Ngkana ko kamaraiaa tamam ke tinam, ao ko na kamateaki, ao anne bon am kaairua.

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

I-Rom 1:30

taani bukibuki, taan ribaa te Atua, taan taetaebuaka, taani kainikatonga, taani kamoamoaia, taani kariki iango aika bubuaka, taan aki iri nanoia aia karo,

I-Rom 4:13

B'a e anganaki te taeka n akoi Aberaam ma ana kariki are e na riki iai b'a te tia abaaba i aonnaba, tiaki n te Tua, ma i bukini kaetan arona n reitaki ma te Atua are e reke n te onimaki.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Karatia 3:19

Tera ngkanne manenan te Tua? E roko te Tua b'a raon te boraraoi, ao e bongana i bukin taiani bure, ni karokoa rokon Temanna n ana kariki Aberaam, are E anganaki te taeka n akoi. E anganaki te aba te Tua irouia anera ni bain te aomata ae te tia itoman i marenan te Atua ma aomata.

I-Karatia 5:18

Ma ngkana kam kairaki iroun te Tamnei, ao kam aki mena i aan te Tua.

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

I-Karatia 5:23

te nimamanei, te taotaonaki n nano mani karaoani baika e tangiri te rab'ata; akea te tua ae ekinako baikai.

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

1.Timoteo 4:7

Ma ko na tai mutiakini karaki aika aki koaua aika bo buaka ma kanoan te euangkerio, aika karaki aika akea nanoia. Kataneiako b'a ko aonga n rangi n reitaki ma nanon te Atua ni maium.

1.Timoteo 6:20

Timoteo, ko na kawakina te baere ko mwiokoaki iai. Ko na tan nako mani b'arantiko aika akea nanoia aika aki itiaki, ao man iango ni kauntaba aika kanoan te baere e aki tau n aranaki b'a te Rabakau;

2.Timoteo 2:16

Ko na kararoako mani b'arantiko aika akea nanoia aika aki itiaki, b'a ane a na kairiia aomata ni kararoaia ma te Atua;

2.Timoteo 3:2

B'a ane a na riki aomata b'a taan tangiriia i bon i rouia, taani baki-tianti, taani kamoamoaia, taani kainikatonga, taan taetaebuaka, taan aki-ongeaba nakoia aia karo, taani bangaomata, taani kam'araai ana b'ai te Atua,

Tito 1:10

B'a a m'aiti aomata aika rawa ni kani kairaki, aika taani b'arantiko ma taani bureburea te aba; ao m'aitin te koraki anne boni kaain te kaitiakaki.

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Tito 1:6

Te unimm'aane e riai n te aomata ae akea kabuakakaana; e na ti temanna buuna ao taan onimaki natina aika akea i rouia te maiu buaka ke te maiu n aki ongeaba.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Ebera 11:31

N te onimaki are e aki kamateaki iai Nei Raaba are te kabekaau ma ake a aki onimaki, ngke e a tia ni m'aneia n akoia taan tutuo akekei ma te rau.

Ebera 12:16

E na aki riki temanna b'a te tia wene ni bure, ke te tia kam'araai baika tabu aika ana b'ai te Atua, n ai aron Etau are anga nako baika kakawaki n reitaki ma arona ni karimoa i bukin te am'arake ae ti teuana taina ni kanaki.

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

1.Betero 4:18

N ai aron are atongaki ni kaangai n te B'aib'ara: “E na kangaanga kamaiuan te aomata ae raoiroi; Ao tera ae na riki nakon te aomata ae te tia bure ae buakaka?”

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.