1.Timoteo 1:5 - Te B'aib'ara

⁵ Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

1.Timoteo 1:5 Iomraidhean Croise

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Teb'ania 3:7

Ao I taku b'a a nang tabeakinai man nanoni Au reirei nakoia, ma n aki kona ni m'aninga ake I a tia n reireia. Ma a manga waekoa naba n rairaki nakon m'akuri aika a buakaka.

Mataio 12:35

E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Mataio 5:8

A a kab'aia akana itiaki nanoia, b'a a na nora te Atua!

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

I-Rom 14:15

B'a ngkana e rawawata nanon tarim i bukini kanam, ao ko aki nakonako n te aro n tangira. Tai urua maiun temanna are E mate Kristo i bukina, n te am'arake are ko kanna.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

1.Timoteo 1:19

ao kawakina am onimaki ma mataniwin nanom ae e raoiroi. Iai tabem'aang aika rawa n ongo ni b'anaan mataniwin nanoia ae e raoiroi ao a karika te kabuanib'ai nakon aia onimaki, kanga ai aron te kaibuke ae koro ao e uruaki;

1.Timoteo 3:9

A na teimatoa n onimakina te baere raba are b'ain te onimaki ma mataniwin nanoia ae itiaki.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.

2.Timoteo 1:5

I aki kona ni m'aninga taekan te onimaki ni koaua ane i nanom, are mena moa i nanon tibum are Nei Roiti ma tinam are Nei Eunike; ao I bon ataia b'a e mena naba ngkai i nanom.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 13:18

Kam na tataro i bukira; b'a ti taku b'a a raoiroi mataniwin nanora, ngkai ti kani kakaraoa ae raoiroi nakoni b'aai ni kabane.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

1.Betero 4:8

Ma e a moamoa i aoni b'aai ni kabane b'a kam na kabatia te i-tangitangiri; b'a e rabuni buure aika rangi ni bati te tangira.

2.Betero 1:7

n raona maiumi ni Kristian n akoaia raomi n onimaki; n raona akoaia raomi n onimaki n te tangira.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.