1.Timoteo 1:16 - Te B'aib'ara

¹⁶ ma I nanoangaaki i bukin aei, b'a E na kaota taotaonan nanon Kristo Iesu i rou, ngai ae te kabanea ni buakaka i buakoia aomata, b'a te banna ni kakairi nakoia akana nang onimakinna ao a na karekea te maiu are aki toki.

1.Timoteo 1:16 Iomraidhean Croise

2.Rongorongo 33:19

A m'aiti rongorongon Manate are e koroia Otai, n reitaki ma ana tataro ao kaekaana iroun te Atua. Ma e koroi naba ana m'akuri Manate aika a buakaka Otai i m'aain are e okira te Atua, ai uana naba ma aran taabo ake e katei iai taian bouannanti Manate, ao taabo naba ake e katei iai baangotan te aba ao taabo n taromauri i bukin Nei Atera.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Te Otinako 34:8

Ao e kawaekoaa ni boobaraaki Moote nako aontano ao e taromauriia te UEA.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Warekaia Iteraera 23:3

Ao e taku B'araam, “Taningaai ikai i rarikin am karea aikai b'a N na kaokoroai moa n te tabo teuana, b'a E na kaoti te UEA nako iu. Ngkana E kaoti, ao n na tuangko b'aai ni kabane aika E taekin.” Ao e a nako.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 23:43

Ao E taku Iesu nako ina, “E koaua ae I a tuangko b'a n te bong aei ao ko na mena ma Ngai i B'aretaiti.”

Ruka 7:47

Ma ngaia ae I tuangko b'a e bati ana tangira i bukina ngkai a kab'araki ana bure aika bati; ma ane aki bati ana bure ni kab'araki, ao e aki bati ana tangira.”

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 6:54

Ane kana irikou ao e nima raraau, ao e a reke i rouna te maiu are aki toki, ao N na manga kamaiua n te kabanea ni bong.

M'akuri 13:39

Ao akana onimaki a bane ni kainaomataki i rouna mani buure ni kabane.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 7:25

I bukiia ngkanne ateiaine: akea ana taeka te UEA i rou i bukiia, ma N na kaota au iango n ai aron temanna ae nanoangaki iroun te UEA, ao e onimakinaki.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

I-Ebeto 1:12

b'a ti aonga ni kamoamoa mimitongina, ngaira aika ti moa n onimakina Kristo.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

2.Betero 3:15

Kam na tara taotaonan nanon ara Uea b'a te kawai i bukini kamaiuami, n ai aron are e koroia naba nakoimi tarira are tangiraki are B'auro, n ai aron te rabakau are e anganaki.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.