1.Tamuera 7:9 - Te B'aib'ara

⁹ Ao Tamuera e bubutiia te UEA b'a E na kamaiuia Iteraera, ao i mwiina e anga te karea ae te tiibu te tei nakon te UEA.

1.Tamuera 7:9 Iomraidhean Croise

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Nakoaia Ibonga 22:27

Kao aika a tib'a bungiaki, te tiibuteteei, ke kooti a riai ni mena i rarikin tinaia itiua te bong, ao n te kawani bong, kam riai n anganai n te kabuane, ao N na butim'aia iai b'a te karea.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

Tani Motiki-taeka 6:26

Ao i mwiina, karaoa te baonikarea i bukin taromauriau i aon kabanean rietaatan te tabuki are e tei iai te kaawa. Kabonganai taian atiibu aika aiakirake i bukin baonikareau, tiaki ti taiani b'a aika a kauataorake. Koroi taiani kai man te boua, ao kam'aaka te ai, tiringa te kaom'aane ae tuai koromangeaki, ao kabuokia b'a te karea nako iu.

Tani Motiki-taeka 6:28

Ao ngke a uti kaain te kaawa n te bong are i mwiina, ao a noora baonikarean B'aara b'a e a b'aka, ao a tia naba ni koreaki taiani baangota. Ao i mwiina, a ataia b'a ngaia e a tia n anga te aba te karea are te kaom'aane i aon te baonikarea are boou.

1.Tamuera 10:8

Ao i mwiina, kam na nako Kirekara. N na rimwi n roko ikanne, ma ngaia are, kam na taningaai. Tao e na bon reke te wiiki m'anangau n nakoati, ma ngkana I roko, ao n na anga karea ma taian angab'ai nakon te UEA. Ao n na manga tuangingkami te b'ai are kam na manga karaoi i mwiina.

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 16:2

Ao e taku Tamuera, “Ngkana I karaoa anne, ao e na ataia Tauro ao e na tiringai.” Ao e taku te UEA, “Uota te kao teteei, ao tuangiia aomata nako b'a ko roko b'a ko na anga karea nako Iu,

1.Tamuera 2:35

I a tia n rinea te aomata temanna b'a Au ibonga, ae te aomata ae na kakaonimaki ma n ongotaeka i Rou. N na karikiia ana utu b'a taiani ibonga ao a na buoka au uea ae rineaki.

1.Tamuera 7:17

Ao i mwiina, e a manga nako n okira abana i Ram'a ma ni karaoa naba te m'akuri n tia moti. Ao iai naba te baonikarea ae karaoia i bukin te UEA i Ram'a.

1.Tamuera 9:12

Ao e taku neierei, “Eng, e memena ikai. Bon are n te kaawa n te bong aei b'a e na karaoaki te angakarea ma te botaki n am'arake n te tabo n taromauri. Ao bon are i m'aaimi, ma kawaekoaingkami,