1.Tamuera 4:2 - Te B'aib'ara

² Ao e rangi ni matoatoa aia buaka kaain Biritia. A kataenikaiia Iteraera ma n tiringiia e kaaniia 4,000 te aomata.

1.Tamuera 4:2 Iomraidhean Croise

B'aeb'aeti 3:40

Ti bon riai ni taratarai maiura, ao n okira te UEA.

Nakoaia Ibonga 26:37

Ao ane kam na mamaara ma n tatatata ao ni b'aka temanna i aon temanna, e ngae ngkana akea ae e kakioingkami.

Warekaia Iteraera 14:45

Ao a ruorikaaki kaain Amareka ma kaain Kanaan man te aba are tabukibuki, ao a kataenikaiia Iteraera, ma ni kakioia nako ni karokoa te kaawa ae buubura are Oma.

Iotua 7:12

Ao bon anne bukina are a aki konaa n tei iai Iteraera ni kaaitaraia aia kairiribai. A mumun nako i rouia aia kairiribai. A kaitaraaki ngkai n unin te UEA. N na bon aki manga mena i roumi ni karokoa kam kanakoi baike I tuangngkami b'a kam na aki anai!

1.Tamuera 17:21

Ao a tei tautian Iteraera ma tautian Biritia ni kaaitaraia i bon i rouia.

1.Tamuera 17:8

Ao e otinako Koria, ao e tatakarua nakon ana taanga ni buaka Iteraera: Tera ae kam a bon boborein iai? Aio te tia buaka mai Biritia ae bane arona, ao ngkami rinea ane kam taku b'a te tia buaka ae bane arona man ana taanga ni buaka Tauro b'a n na bo ma ngaia!

1.Tamuera 4:1

Ao i mwiina, e na taetae Tamuera nakon te botannaomata n Iteraera ae b'anin. Ao n te bong teuana a nako Iteraera ni buakaniia kaain Biritia. A katea aia kaemb'a i rarikin Ebenetera, ao kaain Biritia a katei kaemb'a i Abeki.

1.Tamuera 4:10

Ao a buaka kaain Biritia. A tiringiia 30,000 m'aitiia tautian Iteraera, ao nikiraia a birinako nakon mwengaia.

1.Tamuera 4:3

Ao a okirikaaki tautian Iteraera nakon aia kaemb'a, ao a taku taani kairiiri, “E aera te UEA ngkai E kakonaakira n te bong aei irouia kaain Biritia? Ti na anaa te Atiniberita are a kaawakinaki iai aia boraraoi te UEA ma Iteraera. Ao ane na buokiira iai te UEA ni kamaiura mairouia ara kairiribai.”