1.Rongorongo 9:1 - Te B'aib'ara

¹ A bane n tauaki araia Iteraera n rongorongon te utu ae e eti raoi are e karinaki naba n Rongorongoia Uean Iteraera. A uotaki nako aomatan Iuta b'a taenikai nako B'aburon i bukina ngke a bure nakon te UEA.

1.Rongorongo 9:1 Iomraidhean Croise

1.Uea 14:19

A bane ni koreaki rongorongon b'aai ni kabane ake e karaoi Ieroboam ngke e uea, n reitaki naba ma taian bonibuaka ake e tokanikai iai n te boki are Rongorongoia uean Iteraera.

2.Uea 24:14

E kairiia nako taian aobitia ma mataniwi, taani kairiiri n te taanga ni buaka, ao taani m'akuri aika a rabakau. Bon 10,000 bootaia. Bon ti aomata ake a rangi ni maiu ni kainano ake a tiku i Iuta.

2.Uea 24:15

E uotaanako Ieoiakin te uea are Nebukaneta nako B'aburon, ni ikotaki ma tinana, buuna, ana mataniwi, ao ai taani kairiiri aika a kakannato mai Iuta.

2.Uea 24:16

E boni kairiia nako naba 7,000 tautia, 1,000 taani m'akuri aika a rabakau, ao aomata nako aika a na rangi ni boongana n te buaka.

1.Rongorongo 8:40

Bon taian tautia aika a ninikoria natin Uram m'aane ao bon taani katebe aika a bane aroia. Bootan m'aitiia natiia ma tibuia bon tebubua nimangaun m'aitiia.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Etira 2:59

Bootan m'aitiia ake a oki man utuun nako Teraia, Tobia, ao Nekota bon onobubua nimangaun ma uoman, e ngae ngke a aki konaa ni kakoauaia b'a bon kanoan naba Iteraera ngaiia.

Neemia 11:1

Ao a maeka taani kairiiri irouia botannaomata ma aia utu i Ierutarem. Ma e ti konaa n reke nnen teuana te utu man nikiran taiani utu ake tebwina, ma ngaia are, a buubutiia te Atua b'a e na kaotia nakoia b'a antai ae e na maeka ikekei.

Neemia 7:5

Ma ngaia are, e a anganai te Atua te iango b'a n na bootia aomata, ma taani kairiiri, mataniwi ao n tuoi rongorongon taian utu aika a eti raoi i bukiia aomata ake a tia n okirikaaki man te kataenikaiaki mai B'aburon, i mwiin uotakinakoaia iroun te uea are Nebukaneta.

Neemia 7:64

Ma e aki konaa n reke rongorongon utu aika tenua aikai, ao akea mai buakoia ae e kariaiakaki n riki b'a te ibonga.

Itaia 3:2

tautia ma aomata aika a kakannato, taani moti ao burabeti, taani kairiiri ao aobitia n te taanga ni buaka,

Ieremia 13:19

A a katobibiaki kaawan nako Rereuan Maiaki; ao bon akea temanna ae e kona n rin ke n otinako. A na uotaki nako kaain Iuta ni kabane.

Ieremia 39:9

Ao Nebutaratan, te aobitia are e tararuaia taan tei, e kairiia aomata ni kabane man te kaawa b'a taenikai, ao ai uana naba ma koraki ake a tia ni kaaina ana itera Nebukaneta.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.