1.Rongorongo 7:29 - Te B'aib'ara

²⁹ Aikai aaba ake a reke i nanon te aaba are a tekateka iai ana kariki Manate: Beta Tean, Tanaaka, Mekito, Tora, ao kaawa aika a uarereke ake a kaan. A maeka ana kariki Ioteb'a ni kaawa aikai ao kaawa naba aika a uarereke aikai.

1.Rongorongo 7:29 Iomraidhean Croise

1.Uea 4:12

Baana are natin Airuta te m'aane are e tararuai kaawa ake i Taanaka ao Mekito. E tararua naba te aba are i Beta-Tean ni bane are i rarikin te kaawa are Taretan, are i meangin Ietireera, mai Beta-Tean nako Abera-Meora nakon iteran Iokemeam are teuana.

1.Uea 9:15

Ao ngke a tia ni katiaa karaoan te Tembora ma te bareti ana taani m'akuri Toromon, ao e a manga tuangiia b'a a na nakon te aba are i mainikun Ierutarem ni karaoa te nono ni katobibia te kaawa, ao ni manga karaoi kaawa ake Atora, Mekito, ao Ketera.

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Uea 9:27

E noori b'aai aika a riki aikai te uea are Aatia, ao e kataia ni birinako nakon te kaawa are Betaakan, ma e reke iroun Ieu ngke e kakioa ao e takaarua ni kaangai, “Tiringnga naba.” Ao a katebea Aatia ana tautia Ieu ngke e biri n te kawai are e nako Kura i rarikin Biream. Ao e waaki nako ni karokoa Mekito ike e a mate iai.

2.Rongorongo 35:22

Ma e aki tabe Iotia ma ana kauring Neko, e ngae ngke e bon nako mairoun te Atua! Ao e boni m'ananga naba ni buakana Neko n te M'arua are Mekito.

Tekaria 12:11

A na tang kaain Ierutarem n te bong arei kaanga m'aitin are a karaoia aomata nako i bukin Atata Rimmon n aaba ake a aoraoi i rarikin Mekito.

Te Kaotioti 16:16

Ao a ikotiia uea nako n te tabo ae aranaki n te taetae n Ebera b'a Aremaketon.

Tani Motiki-taeka 5:19

A buakaniira uean Kanaan i Taanaka i mataniwiin te karaanga i rarikin Mekito ma a aki kona ni iraei ara tirewa.

1.Tamuera 31:10

Ao i mwiina, a katuka ana b'ainibuaka i nanon ana tembora antiia are Nei Atiterota, ao a neerana rab'atana ma oon te kaawa ae e buubura are Beta Taan.