1.Rongorongo 7:18 - Te B'aib'ara

¹⁸ M'anen Kireata are Nei Ammoreketa bon tinaia Itiota, Abietera, ao M'aara.

1.Rongorongo 7:18 Iomraidhean Croise

1.Rongorongo 7:17

Uram bon taman Betan. Aikai ni kabane ana kariki Kireata, are natin Makira te m'aane ao tibun Manate.

1.Rongorongo 7:19

Temita are temanna naba mai buakoia ana kariki Manate bon ngaia tamaia Aian, Tekem, Riki, ao Aniam.

Warekaia Iteraera 26:30

ake man kaainga ake Makira,

Iotua 17:2

Ao aaba ake i maeaon te karaanga are te Ioretan a bane n nakoia nikiran utuun te baronga are Manate: Abietera, Ereka, Atiriera, Tekem, Ebera, ao Temita. Bon aikai kanoan Manate are natin Ioteb'a, ao bon mataniwiin naba aia utu.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 6:24

Ao e karaoa te baonikarea Kiteon i bukin taromaurian te UEA, ao e aranna b'a “E kamaunanakoi makura te UEA.” Ao bon are e tei naba ngkai i Obera, te kaawa are i abaia kaain te kaainga are Abietera.

Tani Motiki-taeka 6:34

Ao E ninia Kiteon tamnein te UEA, ao e katanga te kanikina Kiteon n te bu n tuangiia kaain te kaainga are Abietera b'a a na iria.

Tani Motiki-taeka 8:2

Ao e taku Kiteon: Kam na aki kab'arai nanomi. E ngae ngke kam a tib'a roko, ma e buubura riki are kam a tia ni karaoia nakon are I karaoia. Bon ti te bo ma tain te tai i bukin te kureebe: A rangi n raoiroi riki aia kureebe ami baronga ake a aki tabe ma kinikakin uaaia nakon raraoin kureeben ara utu ake a uniki.