1.Rongorongo 6:71 - Te B'aib'ara

⁷¹ E anganaki te kaainga are Kerition mairoun te baronga are Manate Mainiku uoua kaawa aika: Koran are i Batian, ao Atiterota, n reitaki ma aaba aika a raoiroi uteuteia ake i rarikiia.

1.Rongorongo 6:71 Iomraidhean Croise

1.Rongorongo 6:70

Ao a anganaki Anera ma Biream mai Manate Maeao, ni ikotaki ma aaba aika a raoiroi uteuteia ake i rarikiia.

1.Rongorongo 6:72

E anganaki naba te kaainga are Kerition aua kaawa mairoun te baronga are Itakara aika: Keteti, Taberata,

Te Tua-Kaua 1:4

E karaoa aei imwin tiringan te uea are Taion, are aia uea Amoraite, are e tautaeka ngkoa i Etibon; ao te uea naba are Oka, are aia uea kaain Batian, are e tautaeka ngkoa i Atiterota ao i Eterei.

Iotua 13:31

Ao Moote e angan kaaingan iteran te baronga are Manate, ake kanoan Makira are natin Manate abaia are iteran Kireata ma kaawa aika Atiterota ma Eterei are atuun ana tautaeka te uea are Oka i Batian.

Iotua 20:8

A rineaki naba tenua kaawa ni kamauri i mainikun te Ioretan, n taabo ake a aoraoi n te rereua are i mainikun Ieriko, ao a rinea Betera are abaia te baronga are Reuben, Ramota are i Kireata are i abaia te baronga are Kata, ao Koran i Batian, are i abaia te baronga are Manate.

Iotua 21:27

Ao te koraki teuana are kaain te kaainga are Rewi, are kanoan Kerition, a anganaki tebwi ma teuana aia kaawa man abaia te baronga are Manate mainiku, aika kaawa aika: Koran are i Batian (te kawa ni kamauri teuana) ao Beetitera, ao n airi naba ma aia tawaana n uteute.

Iotua 21:6

A anganaki tebwi ma tenua aia kaawa te kaainga are Kerition man abaia taian baronga ake Itakara, Atera, Nabetari, ao Manate mainiku.

Iotua 9:10

ao arona naba nakoia uean Amora ake uoman i mainikun te Ioretan: Oka are uean Batian, are e maeka i Atitarota, ao Taion are uean Etibon.