1.Rongorongo 6:60 - Te B'aib'ara

⁶⁰ Ao a anganaki man te baronga are Beniamin kaawa aika Keeb'a, Aremeta, ao Anatota ao aaba aika a raoiroi uteuteia ake i rarikina. Tebwi ma tenua kaawa ake a anganaki ana kariki Aaron.

1.Rongorongo 6:60 Iomraidhean Croise

1.Uea 2:26

Ao e kanaanako wetean Abiata are te ibonga te uea are Toromon, ao e taku: “Abiata naako okira mwengam i Anaton. Ko riai n tiringaki naba, ma I aki kani karaoia ngkai. Ngke e uea ngkoa tamau are Tawita, ao ko tararuaa ngkoa te Atiniberita, ao ko ri nanon taai aika a kaangaanga n taai aika a bati ngkoe ma tamau.”

1.Rongorongo 6:59

Eberon, Ribena, Iatira, Etitemoa, Iren, Tebira, Atan, ao Beta-Temeti.

1.Rongorongo 6:61

Ao nikiraia kaain te baronga are Rewi ake mairoun Koata a anganaki tebwina taiani kaawa mairouia kaain Manate Maeao.

1.Rongorongo 8:6

Euta bon tamaia Naaman, Aiia, ao Kera. Bon taani kairiiri ngaiia man taian kaainga n te kaawa are Keeb'a,

Neemia 12:29

ma ngaia are, a roko maikanne, ao ai uana naba ma kaawa aika a uarereke ake i rarikin Netob'a, Beta-Kirekara, Keeb'a, ao Atimaweta.

Itaia 10:30

E ongo te aba te tang ae e korakora mani kaawan nako Karim, Raitia, ao te kananoanga are Anatota.

Ieremia 1:1

Arau bon Ieremia. Bon te ibonga ngai, ao tamau bon Irekia ao a bane kaain au utu n nako mai Anatota are n aban te baronga are Beniamin. Kanoan te boki aei bon taekan b'aai aika E taekin te UEA nako iu.

Ieremia 11:23

Ao ngkana e tia ae N na karaoia, ao a na bon akea temanna man aia utu ae e na tiku ni maiu.

Ieremia 37:12

Ma ngaia are, I iangoia b'a N na kiitana Ierutarem ma n nakon abaia te baronga are Beniamin n uneakina tib'angau man te aba are tib'an au utu.

Iotua 18:24

Kebaraammoni, Obeni, ao Keeb'a. Bon tebwi ma uoua bootan kaawa aikai, ao iai naba kaawa aika a uarereke i rarikiia.

1.Tamuera 13:3

Ao Ionatan, e kaira buakanakin aia kaemb'a tautian Biritia i Keeb'a Ao e mauna nako aia kaemb'a kaain Biritia, ao a ongo kain Biritia ake te korakina rongorongon te b'ai are riki. Ma ngaia are, e tuangiia ana taan uarongorongo Tauro ni kaangai, “Naako kawari kaawa ni kabane i aon abara. Ao aanga te kanikina n te bu, ao ngkana a bane n roko aomata ao tuangiia b'aai ake a tia n riki.”