1.Rongorongo 6:49 - Te B'aib'ara

⁴⁹ Bon ti Aaron man ana kariki aika a kariaiakaki n angakarea ao b'ai ni kaboiarara i aon te baonikarea ake uoua ake n te Um'antabunrianna. Bon tabeia te m'akuri n te Tabo are Moan te Tabu ao bootaki ni kab'arabure, n aron are e a tia n anga iai ana mwioko ana toro te UEA are Moote.

1.Rongorongo 6:49 Iomraidhean Croise

1.Rongorongo 6:48

Ao nikiraia kaain te baronga are Rewi a rineaki b'a taani m'akuri n te Um'antabunrianna.

Iobi 33:24

E na nanoangaia te anera, ao e na kaangai, “Kainaomata! A aki riai b'a a na nako abaia maate. A na bon kainaomataaki.”

Te Otinako 29:33

E na karaoaki te bootaki ni kab'ara bure i bukiia ma kanaia aika a tabu i nanon taini katabuaia. Ti i nanon te tai anne ae a konaa ni kanna iai.

Nakoaia Ibonga 1:5

E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 4:20

E na karaoa ae ti te arona nakon te kao aei ma are e karaoia nakon te kao are i bukin te karea ni kab'arabure, ao ai anne ngkanne arona ni karaoa te angakarea i bukin aia bure aomata, ao a na kab'araaki aia bure iai.

Warekaia Iteraera 15:25

Ao i mwiina, e na tataro te ibonga ni butiai kab'araan ami bure. Ao i bukina ngke kam bon aki kantaningaia b'a kam na karaoa te bure, ao kam anga ami karea,

Warekaia Iteraera 16:16

Ao i mwiina, ao e taku nakon Kora, “Kam na nako ngkoe ma raom akanne n ira Aaron nakon te Um'antabunrianna nakon te ingabong.

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

Iotua 1:1

I mwiin maten Moote are Ana toro te UEA, ao E taetae te UEA nakon ana kauoman Moote are Iotua are natin Nuun te m'aane, ao