1.Rongorongo 4:10 - Te B'aib'ara

¹⁰ E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

1.Rongorongo 4:10 Iomraidhean Croise

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 12:8

Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 28:20

Ao e karaoa ana berita Iakob'a nakon te UEA, ao e taku, “Ngkana tao Ko irai mani kaawakinai ni kawaiu aei ma n anganai te am'arake ma te kunnikai,

Karikani B'aai 28:21

ao ngkana arona b'a I okirikaaki nakon au auti ma te rau, ao Ko na riki b'a Atuau.

Karikani B'aai 32:26

Ao e taku te mm'aane arei nakon Iakob'a, “Kanakoai b'a e a ngaina.” Ao e taku Iakob'a, “N na bon aki kanakoko ni karokoa ko kakab'aiaai.”

Karikani B'aai 32:27

Ao e taku teuarei, “Antai aram?” Ao e taku Iakob'a, “Bon Iakob'a arau.”

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

1.Rongorongo 16:8

Neboa te UEA ao tataro n arana! Tuangiia aomata nako b'aai ake E a tia ni karaoi.

1.Rongorongo 4:11

Kerub'a bon tarin Tua ao taman Meira. Rimwi riki, ao rimwi e a riki natin Meira te m'aane ae Etiton,

1.Rongorongo 4:9

Iabeti bon te m'aane are e reke arana i bukin te maraki are e reke iroun tinana ngke e ariri ni maraki ni bungina. Ma bon te nati naba ngaia ae e rangi n onimakinaki n ana utu.

Iobi 12:4

A ngareakinai naba n arou aei uaake bon raoraou; e ngae ngke I eti raoi n akea te b'ai ae I reke ni bukinaki iai. Bon iai ngkoa te tai ae kaekaekai iai au tataro te Atua.

Taian Areru 119:173

Ko na tauraoi ni buokai, i bukina ngkai I tou mwin am Taeka.

Taian Areru 121:7

E na kakawakiniko te UEA man taiani kabuanib'ai nako; E na kakawakiniko raoi.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 51:12

Manga kaoka nako iu te kim'areirei are reke man am Kamaiu, Ao karaoa ae N na kan ongeaba iai nakoim!

Taian Areru 51:8

Kaongoraeai ni b'anaan te kim'areirei ma te kukurei; e ngae ngke Ko karawawataai, Ma N na boni manga kim'areirei.

Taian Areru 55:16

Ma I wetea te UEA ae te Atua, ao E na buokai, ao E na bon kamaiuai

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 30:8

Ko na karikai b'a te aomata ae e raoiroi ao ko na aki karikai b'a te aomata ae e rangi ni maiu ni kainano ke n rangini maiu ni kaub'ai. Ko na ti anganai baika I kainanoi.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 19:42

ao E taku: Ko bia ataia n te bong aei, kawai ake e na reke iai te rau! Ma a karabaaki ngkai mai matam.

Ioane 10:28

I angania te maiu are aki toki, ao a na bon aki mate; ao akea ae kona ni buribaiia mairou.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

I-Rom 16:19

B'a e ataaki aromi n ongeaba nakon te UEA irouia aomata ni kabaneia, ao aei bukin ae I kim'areirei iai i bukimi. Ma I tangiringkami b'a kam na wanawana n ata te bae raoiroi, ao kam na nano roo nakoni karaoan te bae buakaka.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.

1.Tamuera 1:17

Ao e taku Eri, “Okira mwengam. Ana bane n raoiroi b'aai ni kabane. E na bon kaekai am tataro Atuaia Iteraera.”

1.Tamuera 1:20

Ao e bikoukou neierei ao e bungia natina te m'aane. E arana natina b'a Tamuera, ao ni kab'arab'araaki, “I bubutiia te UEA i bukina.”

1.Tamuera 1:26

Ao e taku Nei Anna, “Teuae ko karineaki, Ko kinaai? Boni ngai te aine ae I tei ikai tabeua te ririki n nako ao I bubutiia te UEA

1.Tamuera 1:27

b'a E na anganai natiu te m'aane. Ao aei te ataei ni m'aane are I bubuti iai! E a tia n anganai te UEA te b'ai are I bubuti iai.