1.Rongorongo 28:8 - Te B'aib'ara

⁸ Ngkami aikai ni kabane, bon ana aomata te UEA, ao ngkai, e riki te UEA b'a te tia kakoaua, ao I tangiria b'a kam na berita b'a kam na karaoa ami kabanea n tamaroa n iri nanon b'aai ni kabane ake E a tia ni baaireia te UEA ae te Atua nakoira. Ao e na riki iai te aba aei b'a ami b'ai n taai nako ao nako ia naba ami kariki.

1.Rongorongo 28:8 Iomraidhean Croise

1.Rongorongo 28:7

Ngkana e teimatoa n iri nanon au tua ma au babaaire, ao e na teimatoa abanueana.”

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Etira 9:12

Ao ti a tia ni kauringaki b'a ti na aki kariaia natira aine, ao natira m'aane b'a a na mare ma natiia m'aane ao natiia aine. A tuangiira naba am burabeti b'a ti na aki buokiia Ianena akekei, ke ni kamaekaia ma te rau. Ko tangirira b'a ti na rikirake ni korakora ao ni kukurei ni b'aai aika a tamaroa n te aba aei, ao n te tai teuana a na tiku nakoia natira n aki toki.

Taian Areru 119:27

Buokai b'a N na oota n am Tua, ao N na iaiangoi am Taeka n reirei aika kamimii.

Taian Areru 119:4

Ko tuangiira am Taeka b'a ti na botum'aka n tauu.

Taian Areru 119:44

N na ongeaba nakon am Tua n taai nako ao n aki tootoki.

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 3:1

Natiu, uring au reirei ma au taeka ao iri nanoia ni kabane.

Itaia 34:16

Ko konaa ni kakaaea ao ni kunea n ana boki te UEA n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

M'akuri 10:33

Ma ngaia are, I a kanakoia naba aomata nako im; ao iai nanom ae e raoiroi b'a ko roko. Ma ngaia ae ti bane ni mena ikai i matan te Atua, b'a ti na ongora ni b'aai ni kabane ake ko tuangaki mairoun te UEA.”

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.

Te Tua-Kaua 27:1

Ao e tei Moote ma taani kairiiri, ao a tuangiia Iteraera ni kaangai: Kam na ongotaeka nakon tuua ma reirei ni kabane aika I anganingkami n te bong aei.

Te Tua-Kaua 29:10

Kam a bane n tei i matan te UEA, ngkami aika taani kairiiri, taian aobitia, ami rorobuaka nako,

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 5:32

Kam na riai n ongotaeka raoi nakon ana Tua te UEA.

Te Tua-Kaua 5:33

Irii nanoia, b'a a na kairingkami nakon te maiu ae ab'ab'aki ma n tetekeraoi n te aba are anganingkami te UEA.

Iotua 24:20

Ao E na bon karekea kaimi ngkana kam a manga onimakiniia anti ianena. E na tiringngkami e ngae ngkana E a tia ni karaoa ae raoiroi nakoimi mai m'aaina.”