1.Rongorongo 27:34 - Te B'aib'ara

³⁴ Ieoiata are natin Benaia te m'aane bon ana tia iango te uea i mwiin Aitobera, ao rimwi riki, e a manga riki Abiata b'a te tia iango. Ioaba bon te mataniwi n ana taanga ni buaka Iteraera.

1.Rongorongo 27:34 Iomraidhean Croise

2.Tamuera 8:18

Benaia are natin Ieoiata bon te kam'anta irouia taan tararua Tawita. Bon taiani ibonga natin Tawita aika m'aane.

1.Uea 1:7

Ao e kaaitibo Atoniia ma Ioaba are natin Teruia, ao e kaaitibo naba ma Abiata are te ibonga, ao e buubutiia b'a a na buokia ni kauea, ao a kaai ni kariaia buokana.

1.Rongorongo 11:6

E a tia n tuangiia ana taanga ni buaka ni kaangai, “Te moan tautia ane e tiringa kaain Iebuti e na riki b'a au mataniwi n te taanga ni buaka.” Ao i bukina ngke Ioaba are e moan waakina te buaka, ao e a riki b'a te mataniwi n te taanga ni buaka.

1.Rongorongo 18:15

Te mataniwi n te taanga ni buaka bon Ioaba are natin Teruia te m'aane; ao Ieotiab'ata are natin Airuta te m'aane bon te tia koroboki.

1.Rongorongo 27:5

N te katenua n nam'akaina, bon Benaia are natin Ieoiata te m'aane, are te ibonga,