1.Rongorongo 27:25 - Te B'aib'ara

²⁵ Te tia kaawakin ana ruunib'ai te uea bon Atimaweta are natin Ariera te m'aane. Te tia kaawakin ana ruunib'ai te uea ake tabeua riki ake n taiani kaawa, ma kaawa naba ake a uarereke ao ake n taian taua n taratara ake i Iteraera bon Ionatan are natin Utia te m'aane.

1.Rongorongo 27:25 Iomraidhean Croise

Karikani B'aai 41:48

ao e bane n rikoi Ioteb'a ni kaawakin i nanon te kaawa are buubura. E kaona te kaawa teuana ma teuana ni uaan taian tawaana ake a bon mena i rarikiia nako.

2.Tamuera 23:31

Abiarebon man Beta Arab'a, Atimaweta mai Baurim

2.Uea 18:15

Ma ngaia are, e rikoi taian tirewa ni kabane Etekia man ana Tembora te UEA ao man ana runikaub'ai te uea.

1.Rongorongo 27:24

E a wakina ana wareaomata Ioaba are natin Teruia te m'aane ma e a ti toki naba ngke e a moana katuaeaia Iteraera te UEA. Ma ngaia are, e aki roko n te rin bootaia aomatan Iteraera n te boki are a tauaki iai mwiin b'aai ni kabane n ana tai ni uea Tawita.

1.Rongorongo 27:26

Te tia tararuaia taani m'akuri ake a unika aban te uea bon Etiri are natin Kerub'a te m'aane.

1.Rongorongo 28:1

E tewea aia boowi taani kairiiri i aon Iteraera Tawita i Ierutarem, n reitaki ma Taani kairiiri man taiani baronga, mataniwin te tautaeka, taani kairiiri n te taanga ni buaka, mataniwi ake taan tararua ana b'ai te uea ao ana man, mataniwi n te bareti, ao taani buaka aika a ninikoria.

1.Rongorongo 29:6

Ao ngke e a bane ana taeka Tawita, a anga aia b'aintangira taani kairiiri man taiani utu, taani kairiiri man taiani baronga, taani kairiiri man taian taanga ni buaka, ao mataniwi n te tautaeka

2.Rongorongo 16:2

Ao ngke e ongo rongorongona Ata, ao e anai taian tirewa ma koora man ana bareti ao ana Tembora te UEA. Ao i mwiina, e kanakoi nako Tamateko ma ana rongorongo nakon uean Turia are Benatata:

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Ieremia 41:8

E kamaiuia tengaun mm'aane mai buakoia, b'a a na anganganna taian uita, taiani b'aare, b'aan te oriwa, ao ana karewe te manibeeru ake a karabai i nanon te tawaana.