1.Rongorongo 27:1 - Te B'aib'ara

¹ Ni katoa teuana te nam'akaina, ao iai te koraki ni m'aane aika uabwi ma aua te ngaa m'aitiia ake a kam'akuraki b'a tautian ana taanga ni buaka Iteraera. Raoia m'aane aikai bon taani kairiiri man taiani utu, mataniwiin taian taanga ni buaka, ao ana mataniwi te uea. A baaireaki aroia i nanon teuana te nam'akaina:

1.Rongorongo 27:1 Iomraidhean Croise

2.Tamuera 23:8

Aikai araia ana taani buaka Tawita: Iatiobeam natin Akemon te m'aane bon te tia kairiiri mairouia taani buaka ake teniman. E tiringiia wanibubua te m'aane n te buaka n ana kainiwai.

1.Uea 4:27

A uouoti kanan Toromon ma kaain ana auti aobitia n aono n tatabemaniia teuana te nam'akaina n te ririki. A katauraoi b'aai ni kabane ake e taekin,

1.Uea 4:7

Ao Toromon, e rineia tengaun ma uoman aobitia n aono aika a na uateia te uea ni uouoti kanana ma kaain ana auti ni bane. Temanna te aobitia e na katauraoa kanan aia uea man aia aono ni katoa teuana te nam'akaina ni katoa ririki.

1.Uea 5:14

ao e rinea Atoniram b'a e na tararuaia taani m'akuri aikai. Ao Toromon, e a manga tib'atib'aia nakon tenua te koraki aika kaka 10,000 kaaia. Teuana te m'akoro, e m'akuri teuana te nam'akaina i Reb'anon ao i mwiina a motirawa uoua te nam'akaina ni mwengaia.

1.Rongorongo 11:10

E a tia ni berita te UEA b'a e na riki b'a te uea Tawita, ma ngaia are, a bane Iteraera ni boutokaa Tawita. E buokaki naba abanueana ni kaawakinaki irouia taani buaka aika a korakora b'a e aonga ni matoatoa.

1.Rongorongo 13:1

I mwiin tabeua te tai, ao e maroroo Tawita ma mataniwiin ana taanga ni buaka,

1.Rongorongo 26:32

E kunei taekaia m'aane aikai i nanon ana ka abwi n ririki n tautaeka Tawita, ngke e reke i rouna araia utu nako i nanon te kaainga ae Eberon. Boni kaain te kaawa ae Iatera n te aba are Kireata.

1.Rongorongo 27:2

N te moan nam'akaina, bon Iatiobeam are natin Taberiera te m'aane,

1.Rongorongo 28:1

E tewea aia boowi taani kairiiri i aon Iteraera Tawita i Ierutarem, n reitaki ma Taani kairiiri man taiani baronga, mataniwin te tautaeka, taani kairiiri n te taanga ni buaka, mataniwi ake taan tararua ana b'ai te uea ao ana man, mataniwi n te bareti, ao taani buaka aika a ninikoria.

1.Rongorongo 29:6

Ao ngke e a bane ana taeka Tawita, a anga aia b'aintangira taani kairiiri man taiani utu, taani kairiiri man taiani baronga, taani kairiiri man taian taanga ni buaka, ao mataniwi n te tautaeka

2.Rongorongo 1:2

N te tai anne, ao e bon kaawakinaki naba i Kibeon te Um'antabunrianna are e a tia ni karaoia ana toro te UEA are Moote i nanon te rereua,

Te Otinako 18:25

ao e rineia mm'aane aika konab'ai mai buakoia Iteraera. E rineia tabeman b'a taani kairiiri i bukiia tengaa, ao tabeman i bukiia tebubua, ao tabeman i bukiia nimangaun, ao tabeman i bukiia tengaun.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Te Tua-Kaua 1:15

Ao i mwiina, I anaia m'aane akanne, ao I rineia b'a ami tia kairiiri. Tabeman mai buakoia a riki b'a mataniwi n tautia i bukiia teuana tengaa te tautia, tabeman, i bukiia tebubua te tautia, tabeman, i bukiia nimangaun te tautia, ao tabeman, i bukiia tengaun te tautia.

Iotua 23:1

Ao ngke e a bon maan, ao e anga te rau te UEA i marenaia Iteraera ma ana kairiribai i nanon ririki aika a bati, ao e a bon rangi ni kara Iotua n te tai aei,

1.Tamuera 8:12

Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.